professional cuddler: భలే సంపాదన... ఒక కౌగిలింతకు రూ.7000లు

ఉద్యోగం చేస్తే జీతాలు వస్తాయి. ఏదైనా వ్యాపారం చేస్తే లాభాలు వస్తాయి. ఇతర దేశాల్లో బట్టలు సర్దడం, పిల్లలకు పేర్లు పెట్టడం వల్ల కూడా బాగా సంపాదిస్తున్నారు. ఇష్టమైన పనులు చేస్తూనే జేబు నింపుకుంటున్నారు. తాజాగా ఓ వ్యక్తి కూడా విచిత్రమైన పని చేస్తూ డబ్బులు సంపాదించుకుంటున్నాడు. మనుషులను కౌగిలించుకుంటూ మనీ ఎర్న్ చేస్తున్నాడు. అలా గంటకు రూ.7000లు సంపాదిస్తున్నాడు. బ్రిటన్‌ బ్రిస్టల్‌కు చెందిన ట్రెవర్ హూటన్ (Trevor Hooton) అలియాస్ ట్రెజర్ అనే వ్యక్తి ఒంటరితనంతో బాధపడేవారికి కౌగిలింతలతో (Cuddle Therapy) భరోసానిస్తున్నాడు.

మనసులోని భావాలను, బాధలను ఎవరితోనూ పంచుకోలేక ఇబ్బంది పడేవారికి ట్రెజర్ బాసటగా నిలుస్తున్నారు. అలాంటి వారు వారి బాధలను చెబితే వింటాడు. దగ్గరకు తీసుకుంటాడు. తల నిమురుతాడు. వారి ఆలోచనలను షేర్ చేసుకుంటాడు. దీనిని కడల్ థెరపీ అంటారు. అయితే ట్రెజర్ ఇదంతా ఫ్రీగా చేయడం లేదు. అలాంటి వారికి ఊరటనివ్వడానికి, ప్రశాంతతను కలిగించడానికి డబ్బులు తీసుకుంటున్నాడు. ఒక గంట పాటు వారితో స్పెండ్ చేయడానికి 75 పౌండ్లు అంటే ఇండియన్ కరెన్సీ ప్రకారం రూ.7000 చార్జ్ చేస్తున్నాడు. అందుకని ట్రెజర్ అందరిని కౌగిలించుకుంటాడని కాదు. వారి వారి అవసరాన్ని బట్టి వారితో మెలుగుతుంటాడు.


అయితే దీనికి ఎవరైనా ఎందుకు డబ్బులు ఇస్తారనుకుంటున్నారా..? ఆ ఆలోచన పూర్తిగా పొరపాటే. ట్రెజర్‌కు చాలా డిమాండ్ ఉంది. ఆయన అందించే భరోసా కోసం చాలామంది క్యూ కడుతున్నారు. నగరాల్లో, పట్టణాల్లో వచ్చిన మార్పులు వచ్చాయి. మానవ సంబంధాల్లో మార్పులు వచ్చాయి. చాలామంది ఒంటరిగానే మిగిలిపోయే పరిస్థితి ఏర్పడింది. కొంతమందికి బంధువులు ఉండడం లేదు, స్నేహితులు ఉండడం లేదు. దాంతో తమ బాధలను పంచుకోవడానికి ఎవరైనా ఉంటే బాగుంటుందని చాలామంది భావిస్తున్నారు. దాంతో ఇలాంటి థెరపీల అవసరం ముందుకు వస్తుంది. అలాంటి వారికి ట్రెజర్ స్నేహ హస్తం ఎంతో ముఖ్యం అయిపోతుంది.

కాగా న్యూయార్క్‌లో కూడా ఓ మహిళ తనకు నచ్చిన పనితో డబ్బులు సంపాదిస్తుంది. టేలర్ ఎ. హంఫ్రీ (33) అనే యువతి పిల్లలకు మంచి పేర్లను సూచిస్తూ లక్షల్లో వెనుకేసుకుంటుంది. ఒక్క పేరు పెట్టడానికి తల్లిదండ్రుల నుంచి 1500 డాలర్లు అంటే మన కరెన్సీలో రూ.1.14 లక్షలు తీసుకుంటుంది. రూ.7.6 లక్షలు కూడా ఇచ్చినవాళ్లున్నారు. తన ఎంచుకున్న మార్గంలో హంఫ్రీ మంచి ఎక్స్‌పర్ట్‌గా ఎదిగింది. తనదైన రంగంలో రాణిస్తుంది. ఇలాగే బ్రిటన్‌కు చెందని ఓ అమ్మాయి ఇళ్లలోని వార్డ్‌రోబ్‌లో బట్టలను సర్దుతూ నెలకు రూ.50 వేలు సంపాదించుకుంటుంది.