Mother Heroine: ప్రపంచ దేశాలు విచిత్రమైన సమస్యను ఎదుర్కొంటున్నాయి. భారత్, చైనాతోపాటు కొన్ని దక్షిణాసియా, ఆఫ్రికా దేశాలు అధిక జనాభాతో ఇబ్బందులు పడుతుండగా.. జపాన్, రష్యా తదితర దేశాలు మాత్రం జనాభా తగ్గుదల కారణంగా ఆందోళన చెందుతున్నాయి. జనాభా తగ్గడం వల్ల దేశ పురోగతిలో కీలకమైన మానవ వనరులు అందుబాటులో లేకుండా పోతాయి. వృద్ధుల సంఖ్య పెరగడంతో వారి సంక్షేమం కోసం చేయాల్సిన ఖర్చు పెరుగుతుంది. దీని వల్ల దేశ అభివృద్ధి కుంటుపడుతుంది. దీంతో జనాభా వృద్ధి రేటు తక్కువగా నమోదవుతున్న దేశాలు.. జనాభాను పెంచడం కోసం పిల్లలను కనాలని దేశ ప్రజలకు పిలుపునిస్తున్నాయి. ఇందుకోసం ప్రోత్సాహకాలను ప్రతిపాదిస్తున్నాయి.
దీంతో రష్యా ప్రజలు పిల్లలను కనడాన్ని ప్రోత్సహించడం కోసం.. జననాల రేటును పెంచడం కోసం ఆ దేశ అధ్యక్షుడు వ్లాదిమిర్ పుతిన్ పది మంది పిల్లలకు జన్మనిచ్చిన తల్లులకు ‘మదర్ హీరోయిన్’ పురస్కారాలను ప్రకటించారు. వాస్తవానికి మదర్ హీరోయిన్ గౌరవ బిరుదును సోవియట్ యూనియన్ హయాంలో జోసఫ్ స్టాలిన్ 1944లో ఏర్పాటు చేశారు. రెండో ప్రపంచ యుద్ధంలో రష్యాకు సైనికపరంగా తీవ్ర నష్టం వాటిల్లడంతో స్టాలిన్ ఈ నిర్ణయం తీసుకున్నారు.
మదర్ హీరోయిన్ గౌరవం ఇప్పటి వరకూ 4 లక్షల మందికి దక్కింది. కానీ 1991లో సోవియట్ యూనియన్ ముక్కలు కావడంతో.. ఈ ప్రైజ్‌ ఇవ్వడం మానేశారు. జనాభా వేగంగా తగ్గుతున్న నేపథ్యంలో పుతిన్ మళ్లీ దాన్ని పునరుద్ధరించారు. జనాభా తగ్గుదలను ఆపడానికి తగిన చర్యలు తీసుకోవడం అవసరమని ఆయన గతంలో వ్యాఖ్యానించారు.
పది మంది లేదంటే అంతకంటే ఎక్కువ మంది పిల్లలకు జన్మనిచ్చిన రష్యన్ తల్లులకు పది లక్షల రూబుల్స్‌ను అందజేస్తారు. పదో చిన్నారికి ఏడాది వయసు రాగానే ఈ మొత్తాన్ని అందిస్తారు. పది మంది పిల్లలూ బతికి ఉంటేనే ఈ నగదు ఇస్తారు. ఉగ్రవాదం, సైనిక సంఘర్షణ లాంటి కారణాలతో పిల్లలు ఎవరైనా మరణించిన సందర్భాల్లో మాత్రం మినహాయింపు లభిస్తుంది.
మదర్ హీరోయిన్‌గా ఎంపికైన మహిళలకు రష్యా పతాకంతో కూడిన గోల్డ్ మెడల్స్ కూడా అందజేస్తారు. హీరో ఆఫ్ రష్యా, హీరో ఆఫ్ లేబర్ లాంటి రష్యా గౌరవ పురస్కారాల తరహాలోనే దీనికి గుర్తింపు ఉంటుంది.
దీంతో రష్యా ప్రజలు పిల్లలను కనడాన్ని ప్రోత్సహించడం కోసం.. జననాల రేటును పెంచడం కోసం ఆ దేశ అధ్యక్షుడు వ్లాదిమిర్ పుతిన్ పది మంది పిల్లలకు జన్మనిచ్చిన తల్లులకు ‘మదర్ హీరోయిన్’ పురస్కారాలను ప్రకటించారు. వాస్తవానికి మదర్ హీరోయిన్ గౌరవ బిరుదును సోవియట్ యూనియన్ హయాంలో జోసఫ్ స్టాలిన్ 1944లో ఏర్పాటు చేశారు. రెండో ప్రపంచ యుద్ధంలో రష్యాకు సైనికపరంగా తీవ్ర నష్టం వాటిల్లడంతో స్టాలిన్ ఈ నిర్ణయం తీసుకున్నారు.
మదర్ హీరోయిన్ గౌరవం ఇప్పటి వరకూ 4 లక్షల మందికి దక్కింది. కానీ 1991లో సోవియట్ యూనియన్ ముక్కలు కావడంతో.. ఈ ప్రైజ్‌ ఇవ్వడం మానేశారు. జనాభా వేగంగా తగ్గుతున్న నేపథ్యంలో పుతిన్ మళ్లీ దాన్ని పునరుద్ధరించారు. జనాభా తగ్గుదలను ఆపడానికి తగిన చర్యలు తీసుకోవడం అవసరమని ఆయన గతంలో వ్యాఖ్యానించారు.
పది మంది లేదంటే అంతకంటే ఎక్కువ మంది పిల్లలకు జన్మనిచ్చిన రష్యన్ తల్లులకు పది లక్షల రూబుల్స్‌ను అందజేస్తారు. పదో చిన్నారికి ఏడాది వయసు రాగానే ఈ మొత్తాన్ని అందిస్తారు. పది మంది పిల్లలూ బతికి ఉంటేనే ఈ నగదు ఇస్తారు. ఉగ్రవాదం, సైనిక సంఘర్షణ లాంటి కారణాలతో పిల్లలు ఎవరైనా మరణించిన సందర్భాల్లో మాత్రం మినహాయింపు లభిస్తుంది.
మదర్ హీరోయిన్‌గా ఎంపికైన మహిళలకు రష్యా పతాకంతో కూడిన గోల్డ్ మెడల్స్ కూడా అందజేస్తారు. హీరో ఆఫ్ రష్యా, హీరో ఆఫ్ లేబర్ లాంటి రష్యా గౌరవ పురస్కారాల తరహాలోనే దీనికి గుర్తింపు ఉంటుంది.