కుప్పకూలిన విమానం.. 32 మంది మృతి

సిరియాలో రష్యాకు చెందిన ఓ విమానం కుప్పకూలిపోయింది. ఈ ప్రమాదంలో 32 మంది దుర్మరణం పాలయ్యారు. రష్యాలోని మెమిన్ ఎయిర్ బేస్‌కు సమీపంలో ఈ ఘటన జరిగినట్లు ఆ దేశ అధికారులు తెలిపారు. 26 మంది ప్రయాణికులు, ఆరుగురు సిబ్బందితో బయలుదేరిన ఈ విమానం సాంకేతిక కారణంగా ప్రమాదానికి గురైందని వారు వెల్లడించారు. ఘటనకు సంబంధించిన పూర్తి వివరాలు తెలియాల్సి ఉంది.

నెల రోజుల వ్యవధిలో రష్యాలో చోటు చేసుకున్న రెండో విమాన ప్రమాదం ఇది. ఫిబ్రవరిలో ఇదే దేశానికి చెందిన ఓ విమానం కూలిపోయిన ఘటనలో 71 మంది మరణించారు. ఆ తర్వాత కొద్ది రోజులకే ఇరాన్ కొండ ప్రాంతాల్లో ఓ విమానం కూలిపోయిన ఘటనలో 66 మంది మృత్యువాత పడ్డారు.