Singapore Urine beer:యూరిన్‌తో బీర్... టేస్టీగా ఉందంటూ ఎగబడుతున్న మందుబాబులు

ప్రపంచవ్యాప్తంగా బీర్‌కున్న క్రేజ్ ఏంటో ప్రత్యేకంగా చెప్పాల్సిన అవసరం లేదు. నీళ్లు, టీ తర్వాత బీర్‌ చాలా పాపులర్. నిజానికి బీర్‌లో 90 శాతం నీరే ఉంటుంది. అందుకే బీర్ తయారీకి నీళ్లు చాలా అవసరం అవుతాయి. అయితే కొన్ని దేశాల్లో నీటి కొరత కారణంగా బీర్‌ తయారీకి ఇబ్బందులు ఎదురవుతున్నాయి. అయితే ఈ సమస్యను పరిష్కరించడానికి సింగపూర్‌లోని కంపెనీ ఓ మార్గాన్ని ఎంచుకుంది. కొత్త పద్ధతిలో బీర్‌లను తయారు చేసింది. అలా తయారు చేసిన ఆ బీర్‌లను మార్కెట్లోకి విడుదల కూడా చేసింది. అవి ఎంతో రుచిగా ఉండడంతో జనం కూడా ఎగబడుతున్నారు. ఇంతకీ ఆ బీర్‌లన్నీ యూరిన్‌, మురికి నీటితో తయారు చేసినవి. (Singapore Urine beer) ఆ అందుకే వాటిని యూరిన్ బీర్, గ్రీన్ బీర్ అని ఆ కంపెనీ ప్రచారం కూడా చేస్తుంది. సింగపూర్‌లోని న్యూ బ్రూ కంపెనీ అచ్చంగా మురికి నీరు, యూరిన్‌తో తయారు చేస్తుంది. కానీ ఆ బీర్‌లు అత్యంత సురక్షితమని సందరు కంపెనీ చెబుతుంది. పలు రకాల టెస్ట్‌లు, వివిధ దశల్లో వడపోత తర్వాత ఆరోగ్యకరమైన బీర్‌ను తయారు చేస్తున్నట్టు కంపెనీ వెల్లడించింది. అంతేకాదు తమ స్పెషల్ బీర్ చాలా టేస్టీగా ఉంటుందని చెబుతోంది. అలాగే ఆ బీర్‌లను తాగడానికి మందుబాబులు ఉత్సాహం చూపిస్తున్నారు.


ఈ బీర్‌కు సంబంధించిన మరో ఆసక్తికరమైన విషయం ఏమిటంటే సింగపూర్ వాటర్ ఏజెన్సీ ఈ బీర్‌ను విడుదల చేసింది. సింగపూర్ ఇంటర్నేషనల్ వాటర్ వీక్, వాటర్ కాన్ఫరెన్స్‌లో నేషనల్ వాటర్ ఏజెన్సీ, స్థానిక క్రాఫ్ట్ బీర్ బ్రూవరీ Brewerkz ఏప్రిల్ 8న ప్రారంభించాయి. నీటి కొరత సమస్యలపై అవగాహన కల్పించడానికి న్యూబ్రూ సింగపూర్ ఈ బీర్‌ను ఆవిష్కరించినట్టు కంపెనీ ఎండీ ర్యాన్ యుయెన్ వెల్లడించారు.