ఏడున్నర గంటల లేట్‌గా ఆఫీసుకు వెళ్లిన వ్యక్తి... కారణం అడిగితే...

జనరల్ ఎవరైనా ఆఫీసుకు కొన్ని నిమిషాలు ఆలస్యంగా వెళ్తుంటారు. ఒక్కోసారి ట్రాఫిక్ వల్ల ఒక గంట ఆలస్యం వెళ్లే సందర్భాలు ఉంటాయి. కానీ ఎవరైనా ఏడున్నర గంటలు ఆలస్యంగా ఆఫీసుకు వెళ్తారా..? ఓ వ్యక్తి ఏకంగా ఏడున్నర గంటలు లేట్‌గా ఆఫీసుకు వెళ్లాడు. ఆ ఆలస్యం ఎందుకయ్యిందని అడిగితే ఎవరూ ఊహించని సమాధానం చెప్పాడు. దాంతో బిత్తరపోవడం అందరి వంతు అయింది.

ఈ విషయాన్ని అతని సహోద్యోగుల్లో ఒకరు ట్విట్టర్ వేదికగా పంచుకున్నారు. ఆ సంఘనటకు సంబంధించిన విషయాన్ని తెలియజేన్తూ ట్విట్టర్ యూజర్ @Deannooo ఓ పోస్ట్ చేశారు. పని చేసే వ్యన్తి ఏడున్నర గంటలు ఆలస్యంగా పనికి వచ్చి.. ఎందుకు లేట్ అయిందంటే 'క్షమించండి, నేను పడుకున్నాను' అని సమాధానం చెప్పాడని పోస్ట్‌లో పేర్కొన్నారు.


ఈ పోస్టుపై నెటిజన్లు రకరకాలుగా రియాక్ట్ అయ్యారు. బహుశా ఆయన అలారం వినలేడేమో.. ఇంకా ఎక్కువ సౌండ్ వచ్చే గడియారాన్నీ కొనాలంటూ ఒక యూజర్ కామెంట్ పెట్టారు. ఇంకో నెటిజన్ అసలు అలాంటివాళ్లతో పనిచేయకూడదని కామెంట్ చేయగా, ఇంకొకరు తాను నైట్ షిప్ట్ చేసి వచ్చి 16 గంటలు పడుకున్నానని పోస్ట్ చేశారు. ఈ ఘటనపై ఎవరికి తోచిన విధంగా వారు స్పందించారు. కొందరు సీరియస్‌గా తీసుకుంటే.. మరికొందరు ఫన్నీగా మెసెజ్‌లు పెట్టారు.