H1B వీసాకు కొత్త పాలసీ.. ఐటీ కంపెనీలకు షాక్

అమెరికా అధ్యక్షుడు ట్రంప్ మళ్లీ షాకిచ్చారు. హెచ్‌1 బీ వీసాల జారీ ప్రక్రియను మరింత కఠినతరం చేస్తూ... కొత్త విధానాలను ప్రకటించారు. ఏడు పేజీల విధానాన్ని అమెరికా సిటిజన్‌షిప్‌అండ్‌ ఇమ్మిగ్రేషన్‌ సర్వీసెస్‌ జారీ చేసింది. ఈ విధానం ద్వారా జారీ చేసే వీసాలు కొంత కాలం మాత్రమే చెల్లుబాటవుతాయి. అలాగే కేవలం మూడు ఏళ్లలోపేనని స్పష్టం చేసింది. అమెరికాకు ప్రొఫెషనల్ ఉద్యోగుల్ని పంపాలనుకుంటున్న కంపెనీలు... ఇక నుంచి తమ ఉద్యోగుల అదనపు సమాచారాన్ని చెప్పాల్సి ఉంటుంది. అలాగే వాటికి సంబంధించిన ఆధారాలు కూడా సమర్పించాలి. ఈ కొత్త నిబంధనలు ఈ సీజన్ నుంచే అమల్లోకి వస్తాయి.

2019కి సంబంధించి ఏప్రిల్ 2నుంచి వీసా దరఖాస్తుల ప్రక్రియ ప్రారంభించనున్నారు. థర్డ్ పార్టీ వర్క్‌సైట్లకు ఉద్యోగుల్ని పంపాలనుకుంటే... కొత్త వీసా నిబంధనల ప్రకారం ఆ కంపెనీల మరింత సమాచారం చెప్పాలి. కొత్త విధానం ప్రకారం వీసా పొడిగింపు సమయంలో థర్డ్‌పార్టీ వర్క్‌సైట్‌లో హెచ్‌‌1 బీ వీసా ఉన్న ఉద్యోగి ప్రత్యేక వృత్తిలో నిర్దిష్టమైన, నాన్‌ క్వాలిఫైయింగ్ అర్హతలు కలిగి వున్నాడని నిరూపించుకోవాల్సి ఉంటుంది. ఈ హెచ్‌1 బీ వీసాను ఎక్కువశాతం భారతీయ ఐటీ కంపెనీలు ఉపయోగిస్తుంటాయి. ఈ కొత్త రూల్స్ ఎఫెక్ట్ భారతీయులపైనే ఎక్కువగా పడుతోంది.