యాప్నగరం

టర్కీ భూకంపం: గుండెల్ని పిండేస్తున్న దృశ్యం

Dog Photo: టర్కీ భూకంపం మిగిల్చిన విషాదానికి సంబంధించిన ఓ చిత్రం ఇప్పుడు ఇంటర్నెట్‌ను షేక్ చేస్తోంది. శిథిలాల్లో చిక్కుకున్న ఓ వ్యక్తి వద్ద దీనంగా కూర్చున్న పెంపుడు శునకం ఫోటో ప్రపంచాన్ని కంటతడి పెట్టిస్తోంది.

Samayam Telugu 1 Nov 2020, 3:34 pm
ఫోటో ఇప్పుడు ఇంటర్నెట్‌ను షేక్ చేస్తోంది. టర్కీలో భూకంపం మిగిల్చిన విషాదానికి సజీవ సాక్ష్యంగా మిగిలింది. యావత్ ప్రపంచాన్ని కంటతడి పెట్టిస్తోంది. భారీ భూకంపం కారణంగా బహుళ అంతస్తుల భవనాలు పేక మేడల్లా కుప్పకూలాయి. అలాంటి ఓ భవనం శిథిలాల కింద చిక్కుకున్న వ్యక్తి వద్ద పెంపుడు కుక్క దీనంగా రోదిస్తున్న దృశ్యం ఇది. శిథిలాల కింద తన యజమాని విలవిల్లాడుతుంటే.. ‘దేవుడా కాపాడు’ అంటూ ఆ శునకం ఆకాశం వైపు దీనంగా చూస్తూ వేడుకుంటున్నట్లుగా ఉంది. కోట్లాది గుండెలను బరువెక్కిస్తోంది.
Samayam Telugu టర్కీ భూకంపం (Photo: Twitter)
Turkey Earthquake heartbreaking dog photo (Credit: Twitter - Riteish Deshmukh)


శిథిలాల కింద తమ వారెక్కడున్నారోనని మరో శునకం గాలిస్తున్న దృశ్యం గుండెలను పిండేస్తోంది. టర్కీలో భూకంపం, సునామీ సాగించిన విధ్వంసకాండ కంటతడి పెట్టిస్తోంది. ఎటు చూసినా విషాద దృశ్యాలే.. కన్నీటి రోదనలే.

ఏజియన్ సముద్రంలో శుక్రవారం (అక్టోబర్ 30) సాయంత్రం సంభవించిన భూకంపం కారణంగా టర్కీ, గ్రీస్‌లో మొత్తం 16 మంది మరణించినట్లు ప్రాథమికంగా అందిన వివరాలను బట్టి తెలుస్తోంది. 500 మందికి పైగా గాయపడినట్లు సమాచారం. వీరిలో పలువురి పరిస్థితి విషమంగా ఉంది. జరిగిన విధ్వంసం చూస్తుంటే మృతుల సంఖ్య భారీగా పెరిగే అవకాశం ఉందని భావిస్తున్నారు.

Turkey Earthquake


ఏజియన్‌ సముద్రంలో 16.5 కి.మీ. లోతులో 6.6 తీవ్రతతో భూమి కంపించింది. దీంతో సముద్రంలో స్వల్ప సునామీ ఏర్పడింది. సముద్ర జలాలు తీర ప్రాంతంలోని నివాసాలపైకి ఎగసిపడ్డాయి. వస్తువులు, వాహనాలు సముద్ర జలాల్లో కొట్టుకుపోయాయి. భూకంపం దాటికి భారీ భవంతులు కుప్పకూలాయి. ప్రాణ భయంతో జనం వీధుల వెంట పరుగులు తీశారు. పుట్టెడు దు:ఖంలో ఉన్న టర్కీ ప్రజల కోసం యావత్ ప్రపంచం ప్రార్థనలు చేస్తోంది.

Photo Credit: Twitter




Also Read: సీఆర్‌పీఎఫ్ జవాన్ల వ్యాన్ బోల్తా.. పశువులను తప్పించబోయి!

Must Read: క్రైమ్ సీరియల్‌ను 100 సార్లు చూసిన మైనర్.. ఆరా తీస్తే షాక్!

Don't Miss: ఆమె లేని జీవితం వద్దు.. యువతి సమాధి వద్ద ప్రియుడి ఆత్మహత్య


Video: టర్కీ భూకంపం విషాద దృశ్యాలు..

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.