డ్రైవర్ లెస్ కారు ప్రమాదానికి గురైంది. అతివేగంగా వచ్చిన కారు మలుపు వద్ద తన దిశను మార్చుకోకుండా నేరుగా వెళ్లి చెట్టుని ఢీకొట్టింది. మంటలు చెలరేగి కారులో ఉన్న ఇద్దరు ప్రయాణికులు సజీవ దహనమయ్యారు.
Samayam Telugu19 Apr 2021, 6:27 pm
సెల్ఫ్ డ్రైవింగ్ (డ్రైవర్ రహిత) సదుపాయం కలిగిన టెస్లా కారు ఘోర ప్రమాదానికి గురైంది. మలుపు వద్ద అతివేగంగా వచ్చి ఎదురుగా చెట్టును ఢీకొనడంతో ఒక్కసారిగా మంటలు చెలరేగాయి. న్యూయార్క్‌లోని టెక్సాస్‌లో జరిగిన ఈ ప్రమాదంలో ఇద్దరు కారులోనే సజీవదహనమయ్యారు. నార్త్ హ్యూస్టన్ నుంచి వేగంగా దూసుకొచ్చిన కారు మలుపు వద్ద నేరుగా దూసుకెళ్లి చెట్టుని బలంగా ఢీకొట్టింది. కారు ఢీకొన్న ధాటికి వెంటనే మంటలు చెలరేగాయి. కారులో ఉన్న ఇద్దరు వ్యక్తులు సజీవ దహనమయ్యారు.
Samayam Telugutesla car
అయితే కారులో డ్రైవర్ లేడని.. డ్రైవింగ్ అసిస్టెన్స్ మోడ్‌లో కారు ఉన్నట్లు తెలుస్తోంది. మంటలకు ఆహుతైన వ్యక్తుల్లో ఒకరు ముందు ప్యాసింజర్ సీటులో కూర్చోగా.. మరొకరు వెనక సీట్లో కూర్చున్నట్లు పోలీసులు తెలిపారు. డ్రైవింగ్ సీటులో ఎవరూ లేరని చెప్పారు. విచారణ కొనసాగుతుందని పోలీసులు పేర్కొన్నారు. అయితే డ్రైవింగ్ అసిస్టెన్స్ మోడ్ పూర్తిగా తనంతట తాను పని చేయదని.. ఓ డ్రైవర్ పర్యవేక్షణ ఉండాలని టెస్లా వెబ్‌సైట్‌లో ఉండడం గమనార్హం.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
