60 మంది రష్యా దౌత్యవేత్తలపై అమెరికా వేటు!

రష్యా దౌత్యవేత్తలపై వేటు వేస్తూ అమెరికా, దాని మిత్ర దేశాలు సంచలన నిర్ణయం తీసుకున్నాయి. ఈ సందర్భంగా సోమవారం అమెరికా తమ దేశంలోని 60 మంది రష్యా దౌత్యవేత్తలను బహిష్కరించింది. వీరంతా రష్యా గూడచారులని ఆరోపించింది. అమెరికా నిర్ణయంతో అక్కడి దౌత్య కార్యాలయం పూర్తిగా మూతబడింది. 20 శతాబ్దాంలో అమెరికాలో రష్యాకు చెందిన ఇంతమంది దౌత్యవేత్తలను బహిష్కరించడం ఇదే తొలిసారి కావడం గమనార్హం.

బ్రిటన్‌లో రష్యా మాజీ ఏజెంట్‌ సెర్గీ స్క్రిపాల్‌, అతని కుమార్తెపై విషప్రయోగాన్ని నిరసిస్తూ ఈ నిర్ణయం తీసుకుంది. ఈ సందర్భంగా అమెరికా వైట్ హౌస్ ప్రతినిధి మాట్లాడుతూ.. రష్యా దౌత్యవేత్తలను అధ్యక్షుడు డొనాల్డ్ ట్రంప్ బహిష్కరించారని తెలిపారు. దౌత్యవేత్తలంతా అమెరికా వీడి వెళ్లేందుకు కొంత సమయం ఇచ్చామని తెలిపారు. బహిష్కరణకు గురైనవారిలో 12 మంది అమెరికా మిషిన్‌లో శాస్వత ప్రతినిధులు కూడా ఉండటం గమనార్హం. తాజా నిర్ణయంపై రష్యా అధ్యక్షుడు పుతిన్ ఇంకా స్పందించలేదు.