వీడియో: వైట్‌హౌస్‌ను వీడిన ట్రంప్.. అధ్యక్షుడిగా చివరి క్షణాలు

డొనాల్డ్‌ ట్రంప్‌ వైట్‌హౌస్‌ను వీడారు. తన సతీమణి మెలానియాతో కలిసి ఆయన ఫ్లోరిడాకు వెళ్లిపోయారు. దీంతో అమెరికా అధ్యక్షుడిగా ట్రంప్ శకం ముగిసినట్లైంది. వైట్‌హౌస్‌లోకి ఆయన ప్రవేశం నుంచి నిష్క్రమణం వరకు అనేక నాటకీయ పరిణామాలు చోటు చేసుకున్నాయి. చివరికి కొత్త అధ్యక్షుడిగా బాధ్యతలు చేపట్టనున్న బైడెన్ ప్రమాణ స్వీకారోత్సవ కార్యక్రమంలో పాల్గొనకుండానే ట్రంప్ తన అధికార నివాసాన్ని వీడారు. ఎవరెన్ని చెప్పినా తన దారి తనదేనని మరోసారి స్పష్టం చేశారు.

డొనాల్డ్ ట్రంప్ చివరిసారిగా ‘ఎయిర్‌ ఫోర్స్‌ వన్‌’ విమానం ఎక్కారు. బుధవారం (జనవరి 20) సాయంత్రం వైట్‌హౌస్ నుంచి నేరుగా మేరీల్యాండ్‌లోని మిలిటరీ ఎయిర్‌బేస్‌కు బయల్దేరారు. ఫ్లోరిడాలోని పామ్‌ బీచ్‌ సమీపంలో తమ మార్‌ లాగో రిసార్టుకు ట్రంప్ దంపతులు వెళ్లనున్నారు.


అధ్యక్షుడిగా డొనాల్డ్ ట్రంప్ చివరి రోజు బిజీ బిజీగా గడిపారు. 73 మందికి క్షమాభిక్ష ప్రకటించారు. వీరిలో శ్వేత సౌధం మాజీ ఉన్నతాధికారి స్టీవ్‌ బ్యానన్‌ కూడా ఉన్నారు. మరో 70 మందికి శిక్షను కుదిస్తూ నిర్ణయం తీసుకున్నారు. అమెరికా ప్రజలను ఉద్దేశించి చివరిసారిగా ప్రసంగించారు. అమెరికన్ల కోసం తాను ఎప్పుడూ పోరాటం కొనసాగిస్తానని అన్నారు. బైడెన్ బృందానికి ఆల్ ది బెస్ట్ చెప్పారు. ట్రంప్ దంపతులు వైట్‌హౌస్‌ను వీడుతున్న దృశ్యాలను వీడియోలో వీక్షించవచ్చు.

Also Read: కరోనా వ్యాక్సిన్‌పై కర్ణాటక వైద్యుడి సంచలన వ్యాఖ్యలు

Must Read: 7 ఏళ్ల పాపకు గుండెపోటు.. విషాదం, విమాన ప్రయాణం వల్లేనా?