Cake Resume: జాబ్ కోసం తిప్పలు.. కంపెనీకి "స్వీట్ రెజ్యూమ్" పంపించిన మహిళ.. ఐడియా అదుర్స్
ఉద్యోగం కోసం ఓ మహిళ పాట్లు చూస్తుంటే... భలే ముచ్చటేస్తుంది. జాబ్ కోసం చాలా వెరైటీగా ఆలోచించింది. విభిన్న రీతిలో రెజ్యూమ్ను (Cake Resume) పంపించింది. కంపెనీ పార్టీ జరుగుతుందని తెలుసుకుని.. ఆ పార్టీకి కేక్ పంపించింది. ఆ కేక్పైనే తన రెజ్యూమ్ను ప్రింట్ చేసింది. దీనికి సంబంధించిన లింక్డిన్లో ఓ పోస్ట్ చేసింది. ఇది కాస్తా వైరల్ అయింది. అయితే నెటిజన్లు దీనిపై మిశ్రమంగా స్పందిస్తున్నారు. కొందరు ఐడియా బాగుందని మెచ్చుకుంటే.. మరికొందరు జిమ్మిక్కు అంటూ కొట్టిపడేస్తున్నారు.
ప్రధానాంశాలు:
- ఉద్యోగం కోసం మహిళ తపన
- విభిన్నంగా రెజ్యూమ్ పంపించిన మహిళ
- మిశ్రమంగా స్పందిస్తున్న నెటిజన్లు
Cake Resume: ఉద్యోగం పొందాలంటే... రెజ్యూమ్ ఎంత కీలకమో అందరికి తెలుసు. అందుకే రెజ్యూమ్ను పంపించేటప్పుడు.. అభ్యర్థులు ఒకటికి పదిసార్లు ఆలోచించుకుంటారు. వ్యక్తుల అనుభవం, అర్హతలు రెజ్యూమ్ ద్వారానే తెలుస్తుంది. అలాగే అభ్యర్థులను ఉద్యోగాలకు సెలక్ట్ చేసేందుకు రెజ్యూమ్ (Resume) ఆధారంగా చేసుకుంటారు. వారి ప్రొఫైల్ను పరిశీలించి.. రిక్రూట్మెంట్ చేపడతారు. ఈ రెజ్యూమ్ను ఆకర్షణీయంగా రూపొందించాలని నిపుణులు సైతం చెబుతుంటారు. అయితే ఒక మహిళ విభిన్నమైన రెజ్యూమ్తో కంపెనీ వాళ్ల మనస్సును గెలుచుకోవాలనుకుంది. ఈ పోటీ ప్రపంచంలో జాబ్ రావడం అంత సులువు కాదు. అందుకే చాలా కొత్తగా ఆలోచించి.. కంపెనీకి స్వీట్ రెజ్యూమ్ను పంపించింది. అమెరికాలోని కార్లీ పావ్లినాక్ అనే మహిళ నైక్ కంపెనీ (Nike Company)లో ఉద్యోగం కావాలనుకుంది. అయితే ఆ కంపెనీలో ప్రస్తుతం రిక్రూట్మెంట్ లేదని తెలుసుకుంది. కానీ ఆ కంపెనీకి తన గురించి, తన ప్రొఫైల్ గురించి తెలియజేయాలని బలంగా నిర్ణయించుకుంది. అందుకే మెరుపులాంటి ఆలోచనతో దూసుకుపోయింది.
ఆ సంస్థ యాజమాన్యం దృష్టిని ఆకర్షించేందుకు కేక్పై రెజ్యూమ్ను ప్రింట్ చేసి పంపించింది. కంపనీ కార్పొరేట్ హెడ్ క్వార్టర్స్లో ఓ పార్టీ జరుగుతుందని తెలుసుకుని.. కేక్పై రెజ్యూమ్ ప్రింట్ చేసి పంపించింది. ఈ విషయాన్ని ఆమె లింక్డ్ఇన్లో పోస్ట్ చేసింది. కొన్ని రోజుల క్రితం తాను కేక్పై రాసిన రెజ్యూమ్ని నైక్ కంపెనీకి పంపినట్లు పేర్కొంది. మామూలుగా పంపిస్తే.. పట్టించుకునే అవకాశం ఉండదని, అందుకే ఇలా విభిన్నంగా పంపించానని చెప్పుకొచ్చింది. ఈ పోస్ట్ తెగ వైరల్ అయింది. అయితే ఆమె చేసిన పనికి నెటిజన్లు నుంచి మిశ్రమ స్పందన వస్తుంది. కొందరు మంచి ఆలోచన అంటుంటే.. మరికొందరు ఇదొక ట్రిక్ అని కొట్టిపడేస్తున్నారు.
Read More: International News and Telugu News
ఆ సంస్థ యాజమాన్యం దృష్టిని ఆకర్షించేందుకు కేక్పై రెజ్యూమ్ను ప్రింట్ చేసి పంపించింది. కంపనీ కార్పొరేట్ హెడ్ క్వార్టర్స్లో ఓ పార్టీ జరుగుతుందని తెలుసుకుని.. కేక్పై రెజ్యూమ్ ప్రింట్ చేసి పంపించింది. ఈ విషయాన్ని ఆమె లింక్డ్ఇన్లో పోస్ట్ చేసింది. కొన్ని రోజుల క్రితం తాను కేక్పై రాసిన రెజ్యూమ్ని నైక్ కంపెనీకి పంపినట్లు పేర్కొంది. మామూలుగా పంపిస్తే.. పట్టించుకునే అవకాశం ఉండదని, అందుకే ఇలా విభిన్నంగా పంపించానని చెప్పుకొచ్చింది. ఈ పోస్ట్ తెగ వైరల్ అయింది. అయితే ఆమె చేసిన పనికి నెటిజన్లు నుంచి మిశ్రమ స్పందన వస్తుంది. కొందరు మంచి ఆలోచన అంటుంటే.. మరికొందరు ఇదొక ట్రిక్ అని కొట్టిపడేస్తున్నారు.
Read More: International News and Telugu News