భారతీయ సంతతి నాసా సైంటిస్ట్‌‌‌‌కు యూఎస్‌లో అవమానం!

భారతీయ సంతతికి చెందిన నాసా శాస్త్రవేత్తను యూఎస్ కస్టమ్స్ అండ్ బోర్డర్ పెట్రోల్ అధికారులు అడ్డుకున్నారు. చిలీ పర్యటన ముగించుకుని అమెరికాకు తిరిగి వస్తోన్న ఇండో అమెరికన్ శాస్త్రవేత్త సిద్ బిక్కన్వార్ అడుకుని, అతడి ఫోన్‌ను కూడా సీబీపీ అధికారులు స్వాధీనం చేసుకున్నారు. అమెరికా అధ్యక్షుడు వివాదస్పద ఎగ్జిక్యూటివ్ ఆర్డర్ తీసుకొచ్చిన నాలుగు రోజుల తర్వాత ఈ ఘటన చోటు చేసుకుంది.

నాసా జెట్ ప్రొపల్షన్ ల్యాబ్‌లో సైంటిస్ట్‌గా విధులు నిర్వహిస్తోన్న బిక్కన్వార్‌ హూస్టన్ నుంచి వచ్చినప్పుడు సీబీపీ సిబ్బంది అడ్డుకున్నారు. అలాగే ఫోన్ స్వాధీనం చేసుకున్న అధికారులు ఎలాంటి కారణం చూపకుండానే లాక్ ఓపెన్ చేయమని డిమాండ్ చేశారు. నాసా అందజేసిన ఈ ఫోన్‌లో అత్యంత విలువైన సమాచారం ఉందని, సమాచారం ఇవ్వడానికి బిక్కన్వార్ నిరాకరించాడు. అతడిని నిషేధం విధించిన ముస్లిం దేశాలకు చెందిన వ్యక్తిగా అధికారులు అనుమానించి అడ్డుకున్నారు.

నాసా సీబీపీ గ్లోబల్ ఎంట్రీ ప్రాజెక్టులో బిక్కాన్వార్‌ కూడా పేరు నమోదు చేసుకున్నాడు. చిలీలో నిర్వహించే సోలార్ పవర్ కార్ రేసింగ్‌లో పాల్గొన్నడానికి భార్యతో కలిసి చిలీ వెళ్లాడు. దీనిపై ఆయన ఫేస్‌బుక్ పేజ్‌లో వివరించారు. అమెరికాలో జన్మించిన నేను నాసాలో ఇంజినీర్‌గా పనిచేస్తున్నాను. అమెరికా పాస్‌పోర్ట్‌తోనే ప్రయాణించినట్లు తెలిపారు. అలాగే నా ఫోన్‌ను స్వాధీనం చేసుకుని తనను ఓ ప్రదేశంలోని ఉంచి అందులో డేటా మొత్తం కాపీ చేశారని తెలియజేశాడు.