కుప్పకూలిన ఫ్లైట్: తెలుగు దంపతుల మృతి

అమెరికాలోని తూర్పుఓహియోలో ప్రైవేటు చార్టర్డ్ ఫ్లైట్ కుప్పకూలిన దుర్ఘటనలో కృష్ణా జిల్లా మచిలీపట్నంకి చెందిన డాక్టర్ కాలపాతపు ఉమామహేశ్వర రావు (63), సీత (62) దంపతులు దుర్మరణం పాలయ్యారు. ఇండియానాలోని కాస్ కౌంటీ నుంచి వెస్ట్ వర్జీనియాలోని పర్క్స్‌బరీలోని ఎయిర్ పోర్టుకి బయల్దేరిన ప్రైవేటు విమానం ఓహియో రాష్ట్రంలోని బెవర్లీ వద్ద ఓ సరస్సులో కుప్పకూలిపోయింది. ఈ ప్రమాదం జరిగిన సమయంలో విమానంలో కేవలం ఈ ఇద్దరు దంపతులు మాత్రమే ప్రయాణికులుగా వున్నట్టు సమాచారం.

రాజ్ క్లినిక్స్ పేరిట క్లినిక్ నిర్వహిస్తోన్న ఈ జంట గత 40 ఏళ్లుగా అమెరికాలోనే స్థిరపడినట్టు తెలుస్తోంది. విమానంలో తలెత్తిన సాంకేతిక లోపమే ఈ దుర్ఘటనకి కారణమైందని అక్కడి అధికారవర్గాలు తెలిపాయి.