యూఎన్‌లో అమెరికా రాయబారిగా ఇండో అమెరికన్!

ఐక్యరాజ్యసమితిలో అమెరికా రాయబారిగా భారతీయ సంతతికి చెందిన నిక్కీ హేలీ నియామకం ఖాయమైంది. దీంతో అమెరికా అధ్యక్ష పరిపాలన విభాగంలో క్యాబినెట్ హోదా పొందిన తొలి ఇండో-అమెరికన్‌గా నిక్కీ హేలీ చ‌రిత్ర సృష్టించారు. ప్రస్తుతం సౌత్ కరోలినా గవర్నర్‌గా నిక్కీ కొనసాగుతున్నారు. నిన్న జరిగిన యూఎస్ విదేశీ వ్యవహారాల కమిటీ సమావేశంలో సౌత్ కరోలినా గవర్నర్ హేలీని యూఎన్‌లో అమెరికా రాయబారిగా నియమిస్తూతీర్మానం చేశారు.

ఆ తర్వాత అమెరికా సనేట్‌లో ఈ తీర్మానంపై ఓటింగ్‌ నిర్వహించగా 96-4 ఓట్లతో నెగ్గింది. ప్రస్తుతం ఐక్యరాజ్యసమితిలో రాయబారిగా ఉన్న సమాంత పవర్ అమెరికా తరఫున రాయబారిగా నియమితులైన తొలి మహిళగా రికార్డులకెక్కారు. లూసియానా గవర్నర్‌గా ఎన్నికైన బాబీ జిందాల్ తర్వాత ఓ రాష్ట్రానికి గవర్నర్‌గా ఎంపికైన రెండో ఇండో-అమెరికన్ వ్యక్తిగా హేలీ నిలిచింది.

సౌత్ కరోలినా గవర్నర్‌ పదవిలో నిక్కీ హేలీ 2018 వరకు కొనసాగుతారు. హేలీని అమెరికా అభీష్టం మేరకు హేలీని యూఎన్‌లో రాయబారిగా నియమిస్తున్నామని విదేశీ వ్యవహారాల కమిటీ అధ్యక్షుడు సెనేటర్ బాబ్ కోర్కర్ తెలిపారు.