న్యూజిలాండ్‌లోనూ భారతీయులపై వివక్ష

జాత్యహంకారంతో ఊగిపోతున్న అమెరికా సరసన న్యూజిలాండ్ చేరినట్లు కనిపిస్తోంది. అమెరికాలోనే కాదు...న్యూజిలాండ్ లో భారతీయులకు భద్రత కరువైనట్లు తెలుస్తోంది.

న్యూజిలాండ్ లోని మెల్ బోర్న్-అక్లాండ్ లో భారత్ కు చెందిన నరిందేర్ వీర్ సింగ్ పై ఓ వ్యక్తి జాత్యహంకార వ్యాఖ్యలు చేశాడు. తన కారుకు దారివ్వలేదని న్యూజిలాండ్ వ్యక్తి ఆయనతో పాటున్న ఓ మహిళ తనను బూతులు తిట్టారని...‘మీ దేశం పోవాలని హెచ్చరించినట్లు నరిందేర్ వీర్ సింగ్ తన ఫేస్ ఖాతా ద్వారా వివరించారు. న్యూజిలాండ్ వాసి తిడుతున్న వ్యాఖ్యలు స్పష్టంగా వీడియోలో రికార్డయ్యాయి.


న్యూజిలాండ్ కు చెందిన వ్యక్తులు (ఆడ, మగ) నరిందేర్ వీర్ సింగ్ ను తిడుతుండటాన్ని అతనితోపాటున్న మరోవ్యక్తి వీడియో తీశారు. విద్వేష వ్యాఖ్యలు చేస్తుండటాన్ని ఫేస్ బుక్ లైవ్ లో పెట్టారు.

బూతులు తిడుతూ కాస్త దూరం వెళ్లిన న్యూజిలాండ్ వాసులు..మళ్లీ తమ కారు ఆపి... నరిందేర్ వీర్ సింగ్ పై తిట్లదండకం మొదలుపెట్టారు.

గతవారం బిక్రమ్ జిత్ సింగ్ అనే మరో భారతీయుణ్ణి కూడా న్యూజిలాండ్ కు చెందిన ఓ వ్యకి జాతి పేరుతో అవమానించినట్లు సమాచారం.

జాతి పేరుతో విద్వేష వ్యాఖ్యలు చేసే వారిని అరెస్టు చేయాలని మైగ్రెంట్ వర్కర్స్ అసోషియేషన్ డిమాండ్ చేస్తోంది. అమెరికాకు డొనాల్డ్ ట్రంప్ అధ్యక్షుడిగా పదవీ బాధ్యతలు స్వీకరించాక..ఆయన తీసుకుంటున్న విధానాల వల్ల ప్రపంచ వ్యాప్తంగా విద్వేషాలు ప్రజ్వరిల్లుతున్నాయని సంఘం నేత అను కలోటి అన్నారు.

ఇండియన్లపై జాతి వ్యతిరేక వ్యాఖ్యలు చేసిన వారిపై కేసులు నమోదయ్యాయి.