70 ఏళ్ల తరవాత వస్తున్న ‘పెద్ద చందమామ’

మనం పౌర్ణమి నాడు నిండుగా, కాంతివంతంగా ఉండే చంద్రుడిని చూస్తాం. కానీ ఈ సోమవారం (నవంబర్ 14) నాడు అంతకంటే పెద్దదైన, ప్రకాశవంతమైన చందమామను చూడబోతున్నాం. సుమారు 70 ఏళ్ల తరవాత సోమవారం చంద్రుడు భూమికి దగ్గరగా వస్తున్నాడు. 1948 తరవాత చంద్రుడు భూమికి దగ్గరగా రావడం ఇదే తొలిసారి.

అమెరికా అంతరిక్ష పరిశోధన సంస్థ నాసా వివరాల ప్రకారం, భూమి చుట్టూ తిరిగే చంద్రడి కక్ష్య స్వల్ప దీర్ఘవృత్తాకారంలో ఉంటుంది. అందువల్ల చంద్రుడు కొన్నిసార్లు భూమికి దగ్గరగా వస్తే మరికొన్నిసార్లు దూరంగా వెళ్తుంటాడు. ఇలా భూమికి చంద్రుడు మరీ దగ్గరగా వచ్చినప్పుడు ‘సూపర్‌మూన్’ ఏర్పడుతుంది. సోమవారం మనకు కనిపించే ‘పెద్ద చందమామ’ భూమిపై సాధారణం కంటే 30 శాతం అధికంగా కాంతి వెదజిమ్ముతుంది.

నిజానికి మూడు సూపర్‌మూన్‌లు వరుసలో నిలుచున్నాయట. ఒకవేళ మేఘాలు సహకరించకపోవడం లేక ఏ ఇతర కారణాలవల్లనైనా మీరు సోమవారం చందమామను మిస్ అయితే మీకు ఇంకో చాన్స్ ఉంది. ఈ ఏడాది డిసెంబర్ 14న చివరిసారిగా సూపర్‌మూన్ దర్శనమిస్తుందని నాసా వెల్లడిచింది. ఒకవేళ దీన్ని కూడా చూడలేకపోతే 2034 వరకు ఆగాల్సిందే.