భూమిని ఢీకొట్టనున్న కారు!

కారు భూమిని ఢీకొట్టడం ఏమిటని ఆశ్చర్యపోతున్నారా? అది నిజమే! గత వారం టెస్లా రోడ్‌స్టర్ అనే కారును అంతరిక్షంలోకి ప్రవేశపెట్టారు. అయితే, అది ఇప్పుడు అదుపుతప్పి భూమి వైపునకు వస్తోంది. అయితే, ఇది నేరుగా భూమి వైపుకే వస్తుందా లేదా శుక్ర గ్రహం వైపునకు దిశ మార్చుకుంటుందా అనే స్పష్టత ఇంకా రాలేదు. దీనిపై ప్రజలు ఆందోళన చెందాల్సిన అవసరం లేదని ఖగోళ శాస్త్రవేత్తలు తెలుపుతున్నారు. అది అంతరిక్షంలో ప్రయాణిస్తూ భూమిని ఢీకొట్టాలంటే దాదాపు మరో పది లక్షల ఏళ్లు పడుతుందని పేర్కొన్నారు.

ఫిబ్రవరి 6న స్పేస్‌‌ఎక్స్ కంపెనీ ఫాల్కన్ హెవీ రాకెట్ ద్వారా టెస్లా కారును అంతరిక్షంలో ప్రవేశపెట్టింది. ఈ సందర్భంగా మనిషిలా కనిపించే స్పేస్ మ్యాన్ బొమ్మను ‘స్టార్ మ్యాన్’ పేరుతో కారు స్టీరింగ్ పట్టుకున్నట్లు కూర్చొబెట్టారు. దీన్ని అంగారక కక్ష్యలో వదిలిపెట్టారు. అయితే, ఆ కక్ష్య నుంచి దారి మళ్లింది.

ప్రస్తుతం సూర్యుడి చుట్టూ తిరుగుతోంది. భూమికి, సూర్యునికి మధ్య ఉండే దూరం కంటే 1.67 రెట్ల దూరంలో ఆ కారు ప్రయాణిస్తున్నట్టు అంచనా శాస్త్రవేత్తలు అంచనా వేశారు. 2091 నాటికి ఆ కారు భూమికి దగ్గరగా వచ్చే అవకాశాలున్నట్లు శాస్త్రవేత్తలు తెలిపారు. ఈ విషయాన్ని ఆర్బిటల్ డైనమిక్స్‌పై అధ్యయనకర్తలు హన్నో రైన్, డానియేల్ టమాయో, డేవిడ్ వక్రౌల్కీలు రాయల్ ఆస్ట్రానామికల్ సొసైటీ మ్యాగజైన్‌లో వెల్లడించారు.

అంతరిక్షంలో ​ టెస్లా రోడ్‌స్టర్ కారు ప్రయాణాన్ని ఇక్కడ లైవ్‌లో చూడండి.