Lunar Eclipse 2022 ఈ ఏడాది తొలి చంద్రగ్రహణం నేడే.. ఆకాశంలో బ్లడ్ మూన్
భూమి నీడ పడినప్పుడు సూర్యుడి నుంచి వచ్చే కాంతి తరంగాలు ఫిల్టర్‌ అవుతాయి. దీంతో చంద్రుడు ఎరుపు, నారింజ, గోధుమ వర్ణాల్లో కనిపిస్తాడు. ఈ ఏడాదిలో మొదటి చంద్రగ్రహణం సమయంలో మే 16న బ్లడ్ మూన్ ఆవిష్కృతం కానుంది. దీని కారణంగా ఆ రోజు రాత్రి చంద్రుడు అత్యంత ప్రకాశవంతంగా మారుతాడు. సూర్యుని నుంచి భూమికి వ్యతిరేక దిశలలో చంద్రుడు ఉన్నప్పుడు... భూమి యొక్క నీడ జాబిల్లిపై పడితే సంపూర్ణ చంద్ర గ్రహణాలు ఏర్పడతాయి.
ప్రధానాంశాలు:
- ఈ ఏడాదిలో ఏర్పడుతున్న నాలుగు గ్రహణాలు
- రెండు వారాల వ్యవధిలో సూర్య, చంద్రగ్రహణాలు.
- అక్టోబరులో ఏర్పడనున్న రెండో సూర్యగ్రహణం
ఈ ఏడాదిలో రెండు సూర్యగ్రహణాలు, రెండు చంద్రగ్రహణాలు మొత్తం నాలుగు గ్రహణాలు ఏర్పడుతున్నాయి. ఇప్పటికే మొదటి గ్రహణం ఏప్రిల్ 30 సంభవించింది. ఇది పాక్షిక సూర్యగ్రహణం (Solar Eclipse)కాగా.. భారత్‌లో కనిపించలేదు. అయితే, సూర్యగ్రహణం ఏర్పడిన రెండు వారాల తర్వాత చంద్రగ్రహణం ఏర్పడుతోంది. ఈ ఏడాది ఏర్పడే తొలి చంద్రగ్రహణం (Lunar Eclipse) సోమవారం బుద్ధ పూర్ణిమ నాడు ఏర్పడటం మరో విశేషం. ఆధ్యాత్మికంగా జ్యోతిష్యం శాస్త్రం ప్రకారం.. ఈ గ్రహణాన్ని శుభపరిణామంగా పండితులు భావిస్తున్నారు.
మే 15 న రాత్రి 10.10 గంటలకు ప్రారంభమై.. మే 16న ఉదయం 7.40 వరకు కొనసాగుతుంది (టైమ్ జోన్‌లు బట్టి సమయం మారుతుంది). ఉత్తర, దక్షిణ అమెరికాలోని అన్ని దేశాల్లోనూ, పశ్చిమ ఆఫ్రికాలోని ఎక్కువ ప్రాంతాల్లో ఈ గ్రహణం దర్శనమిస్తుంది. మొత్తం 3.27 గంటల కొనసాగే ఈ గ్రహణ కాలంలో 1.25 గంటల పాటు చంద్రుడ్ని పూర్తిగా భూమి నీడ కప్పివేస్తుందని నాసా తెలిపింది.
భూ వాతావరణంలోకి ప్రవేశించిన సూర్య కిరణాల రంగులు వేటికవి విడిపోయి.. అధిక తరంగధైర్యం ఉండే ఎరుపు, నారింజ వర్ణం ఎక్కువ దూరం పయనిస్తాయి. వడపోత తర్వాత ఇవి జాబిల్లి ఉపరితలంపై పడతాయి. అప్పుడు చంద్రుడు ఎరుపు వర్ణంలో కనిపిస్తాడు. చంద్రగ్రహణం రోజు భూమి నీడలోకి వెళ్లడం వల్ల సూర్యకాంతి భూమిని చేరి.. తర్వాత జాబిలిపై ప్రతిఫలిస్తుంది. దీంతో చంద్రుడు సాధారణ రోజుల కంటే ఎర్రగా కనిపిస్తాడు. అందుకే దీనిని బ్లడ్ మూన్‌గా పిలుస్తారు.
‘సంపూర్ణ చంద్రగ్రహణం సమయంలో భూగ్రహం మీద జరిగే అన్ని సూర్యోదయాలు, సూర్యాస్తమయాల ప్రొజెక్షన్‌ను చూపుతుంది’ అని నాసా (NASA) తెలిపింది.
ముఖ్యంగా, చంద్ర గ్రహణం పెనుంబ్రా దశతో ప్రారంభమవుతుంది. చంద్రుడు.. భూమి వెలుపలి నీడలోకి ప్రవేశించడాన్ని పెనుంబ్రా అంటారు. ఈ తరువాత నంబ్రా (ఛాయ) దశలోకి వెళ్తుంది. పెనుంబ్రా వలె కాకుండా ఇది స్పష్టంగా కనిపిస్తుంది. చంద్రుడు కొద్ది భాగం మాత్రమే భూమి ఛాయలోకి ప్రవేశిస్తే పాక్షిక చంద్రగ్రహణమనీ, పూర్తిగా భూమి ఛాయలోకి ప్రవేశించినపుడు సంపూర్ణ చంద్రగ్రహణం అనీ వ్యవహరిస్తారు.
మే 15 న రాత్రి 10.10 గంటలకు ప్రారంభమై.. మే 16న ఉదయం 7.40 వరకు కొనసాగుతుంది (టైమ్ జోన్‌లు బట్టి సమయం మారుతుంది). ఉత్తర, దక్షిణ అమెరికాలోని అన్ని దేశాల్లోనూ, పశ్చిమ ఆఫ్రికాలోని ఎక్కువ ప్రాంతాల్లో ఈ గ్రహణం దర్శనమిస్తుంది. మొత్తం 3.27 గంటల కొనసాగే ఈ గ్రహణ కాలంలో 1.25 గంటల పాటు చంద్రుడ్ని పూర్తిగా భూమి నీడ కప్పివేస్తుందని నాసా తెలిపింది.
భూ వాతావరణంలోకి ప్రవేశించిన సూర్య కిరణాల రంగులు వేటికవి విడిపోయి.. అధిక తరంగధైర్యం ఉండే ఎరుపు, నారింజ వర్ణం ఎక్కువ దూరం పయనిస్తాయి. వడపోత తర్వాత ఇవి జాబిల్లి ఉపరితలంపై పడతాయి. అప్పుడు చంద్రుడు ఎరుపు వర్ణంలో కనిపిస్తాడు. చంద్రగ్రహణం రోజు భూమి నీడలోకి వెళ్లడం వల్ల సూర్యకాంతి భూమిని చేరి.. తర్వాత జాబిలిపై ప్రతిఫలిస్తుంది. దీంతో చంద్రుడు సాధారణ రోజుల కంటే ఎర్రగా కనిపిస్తాడు. అందుకే దీనిని బ్లడ్ మూన్‌గా పిలుస్తారు.
‘సంపూర్ణ చంద్రగ్రహణం సమయంలో భూగ్రహం మీద జరిగే అన్ని సూర్యోదయాలు, సూర్యాస్తమయాల ప్రొజెక్షన్‌ను చూపుతుంది’ అని నాసా (NASA) తెలిపింది.
ముఖ్యంగా, చంద్ర గ్రహణం పెనుంబ్రా దశతో ప్రారంభమవుతుంది. చంద్రుడు.. భూమి వెలుపలి నీడలోకి ప్రవేశించడాన్ని పెనుంబ్రా అంటారు. ఈ తరువాత నంబ్రా (ఛాయ) దశలోకి వెళ్తుంది. పెనుంబ్రా వలె కాకుండా ఇది స్పష్టంగా కనిపిస్తుంది. చంద్రుడు కొద్ది భాగం మాత్రమే భూమి ఛాయలోకి ప్రవేశిస్తే పాక్షిక చంద్రగ్రహణమనీ, పూర్తిగా భూమి ఛాయలోకి ప్రవేశించినపుడు సంపూర్ణ చంద్రగ్రహణం అనీ వ్యవహరిస్తారు.