చంద్రుడిపై 50 కిమీల పొడవైన గుహ!

చంద్రుడిపై దాదాపు 50 కిలోమీటర్లు (31 మైళ్లు) పొడవు, 100 మీటర్ల వెడల్పుతో ఉన్న గుహ ఒకటి తాజాగా బయటపడింది. 3.5 బిలియన్ ఏళ్ల కిందట అగ్నిపర్వతం బద్దలవ్వడం వల్ల ఇది ఏర్పడి ఉండొచ్చని పరిశోధకులు భావిస్తున్నారు. ఈ గుహ చంద్రుడిపై గల అత్యంత ప్రమాదకర రేడియేషన్, ఉష్ణోగ్రతల మార్పుల నుంచి వ్యోమగాములను రక్షించగలదని తెలుపుతున్నారు.

లావా ప్రహహించిన దారి ట్యూబ్‌లా ఏర్పడి ఉంటుందని అంచనా వేస్తున్నారు. అమెరికా సైన్స్ మేగజైన్ జియోఫిజికల్ రీసెర్చ్ లెటర్స్‌లో ఈ కీలక అంశాలు ప్రచురితమయ్యాయి. జపాన్ ఏరోస్పేస్ ఎక్స్‌ప్లోరేషన్ ఏజెన్సీ పరిశోధకుడు జునిచి హరుయామ మాట్లాడుతూ.. ‘‘ఈ లావా ట్యూబ్‌ను ముందే గుర్తించాం. అయితే, దాని లోతుగా అధ్యయనం చేయలేదు. మారియస్ హిల్స్ అనే ప్రాంతంలో ఇది ఉంది. తదుపరి పరిశోధనల్లో గుహ లోపాల వాతావరణ పరిస్థితుల గురించి తెలుసుకుంటాం’’ అని తెలిపారు.