Pslv-c53 Mission Success: Isro Sends 3 Satellites From Singapore To Space In Textbook Launch
తిరుపతి: నింగిలోకి దూసుకెళ్లిన PSLV C53.. విదేశీ ఉపగ్రహాలు కక్ష్యలోకి
PSLV C53: ఇస్రో పీఎస్ఎల్వీ సీ53 ప్రయోగం విజయవంతమైంది. సింగపూర్, కొరియాకు చెందిన మూడు ఉపగ్రహాలు కక్ష్యలోకి చేరాయి. ప్రయోగం విజయవంతం కావడంతో శాస్త్రవేత్తలు సంతోషం వ్యక్తం చేశారు.
Authored byశ్రీనివాస్ గంగం | Samayam Telugu30 Jun 2022, 11:35 pm
పీఎస్ఎల్వీ సీ53 రాకెట్ నింగిలోకి దూసుకెళ్లింది. సింగపూర్, కొరియాకు చెందిన 3 ఉపగ్రహాలను నిర్ణీత కక్ష్యలో ప్రవేశ పెట్టింది. తిరుపతి జిల్లా శ్రీహరికోటలోని సతీశ్‌ ధావన్‌ స్పేస్‌ సెంటర్‌ (షార్‌) రెండో ప్రయోగ వేదిక నుంచి గురువారం సాయంత్రం 6.02 గంటలకు ఈ రాకె‌ట్‌ను ప్రయోగించారు. రాకెట్ సన్నద్ధత, లాంచ్‌ ఆథరైజేషన్‌ సమావేశాల అనంతరం ప్రయోగానికి పచ్చజెండా ఊపడంతో.. వాహకనౌక నింగిలోకి దూసుకెళ్లింది. ఆ తర్వాత కాసేపటికి ప్రయోగం విజయవంతం అయినట్లు శాస్త్రవేత్తలు ప్రకటించారు. అంతకుముందు 26 గంటల పాటు నిరంతరాయంగా కౌంట్ డౌన్ కొనసాగింది.
Samayam TeluguPSLV C53 luanch
న్యూ స్పేస్‌ ఇండియా లిమిటెడ్‌ (NSIL) వాణిజ్య పరమైన రెండో మిషన్‌ ఇది. ఈ రాకెట్ మోసుకెళ్లిన.. డీఎస్‌-ఈవో ఉపగ్రహం బరువు 365 కిలోలు. ఇది 0.5 మీటర్ల రిజల్యూషన్‌ ఇమేజింగ్‌ సామర్థ్యంతో ఎలక్ట్రో ఆప్టిక్‌, మల్టీ స్పెక్ట్రల్‌ పేలోడ్‌ను కలిగి ఉంది. ఇక ఎస్‌ఏఆర్‌ పేలోడ్‌ను మోసుకెళ్లే సింగపూర్‌కు చెందిన మొట్టమొదటి చిన్న వాణిజ్య ఉపగ్రహం ‘ఎన్‌ఇయూఎస్‌ఏఆర్‌’.
PSLV C53 ప్రయోగం విజయవంతం కావడం పట్ల శాస్త్రవేత్తలు సంతోషం వ్యక్తం చేశారు. పీఎస్ఎల్వీ సిరీస్‌లో ఇది 55వ ప్రయోగం కావడం విశేషం.
శ్రీనివాస్ రెడ్డి గంగం సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఏపీ, తెలంగాణ, జాతీయ, అంతర్జాతీయ అంశాలపై వార్తలు, ప్రత్యేక కథనాలు అందిస్తుంటారు. EJS నుంచి శిక్షణ పొందిన శ్రీనివాస్‌కు జర్నలిజంలో 12 ఏళ్లకు పైగా అనుభవం ఉంది. JNTU నుంచి BTech చేశారు. గతంలో ప్రముఖ పత్రికల్లో వార్తలు, విద్యా సంబంధిత అంశాలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
