2018లో అరుదైన చంద్ర గ్రహణాలను చూసే అవకాశం మనకు లభించింది. ఈ ఏడాది కూడా మరో భిన్నమైన చంద్ర గ్రహణాన్ని చూసే అవకాశం లభించనుంది. ఈ గ్రహణం పేరు ‘సూపర్ బ్లడ్ ఉల్ఫ్ మూన్’. ఈ పేరుకు తగినట్లే.. ఒకే గ్రహణం మూడు రకాలుగా కనిపిస్తుంది. వివిధ దేశాల కాలమానాల ప్రకారం జనవరి 20, 21 తేదీల్లో ఏర్పడుతుంది. చంద్రగ్రహణం, సూపర్ బ్లడ్ మూన్, ఉల్ఫ్ మూన్లు ఒకేసారి ఏర్పడనున్న నేపథ్యంలో శాస్త్రవేత్తలు దీనికి ‘సూపర్ బ్లడ్ ఉల్ఫ్ మూన్’ అని పేరు పెట్టారు. ఈ గ్రహణాన్ని ఇండియాతోపాటు ఆసియా దేశస్తులు పూర్తిగా చూడలేరు. అమెరికా, ఐరోపా, ఆఫ్రికా దేశాల్లో మాత్రమే ఈ గ్రహణం కనిపిస్తుంది. భారత కాలమానం ప్రకారం జనవరి 21, ఉదయం 10.11 గంటలకు ఈ గ్రహణం ఏర్పడుతుంది. 62 నిమిషాల పాటు ఈ గ్రహణం ఉంటుంది. గ్రహణం మొదలై పూర్తికావడానికి సుమారు 3 గంటల 50 నిమిషాలు పడుతుంది.
సూపర్ బ్లడ్ వోల్ఫ్ మూన్ అంటే?: చంద్రగ్రహణం ఎలా ఏర్పడుతుందో మనకు తెలిసిందే. చంద్రగ్రహణం రోజున సూర్యుడు, చంద్రుడికి మధ్య భూమి అడ్డుగా వస్తుంది. దీనివల్ల భూమి నీడ చంద్రుడు మీద పడి గ్రహణం ఏర్పడుతుంది. అలాగే, చంద్రుడు భూమికి దగ్గరగా వచ్చినప్పుడు పెద్ద ఆకారంలో కనిపిస్తాడు. ఈ ప్రక్రియను సూపర్ మూన్ అంటారు. అదే సమయంలో చంద్రగ్రహణం ఏర్పడితే ‘సూపర్ బ్లడ్ మూన్’ అని పిలుస్తారు. చంద్రుడు బాగా దగ్గరకు రావడం వల్ల చంద్రుడుపై పడే నీడ నల్లగా కాకుండా ఎర్ర రంగులో ఉంటుంది. దీనివల్ల సూపర్ బ్లడ్ మూన్ రక్తం రంగులో కనిపిస్తుంది.
కొద్ది రోజుల్లో ఏర్పడే ‘సూపర్ బ్లడ్ ఉల్ఫ్ మూన్’లో చంద్రగ్రహణం, సూపర్ మూన్ రెండూ ఉంటాయి. అమెరికా గిరిజనులు.. శీతాకాలంలో పౌర్ణమి రోజు కనిపించే చంద్రుడిని ‘ఉల్ఫ్ మూన్’ అని పిలుస్తారు. ఈ నేపథ్యంలో జనవరి 21న ఏర్పడే గ్రహణానికి ‘సూపర్ బ్లడ్ ఉల్ఫ్ మూన్’ అని పేరు పెట్టారు. తోడేలుకు, చంద్రుడికి చాలా దగ్గర సంబంధం ఉందని అమెరికాలోని కొన్ని సాంప్రదాయాల వారు నమ్ముతారు. ముఖ్యంగా శీతాకాలంలో వచ్చే పౌర్ణమి రోజులను ‘ఉల్ఫ్ మూన్’ అని పిలుస్తారు. దీని ఆధారంగా హాలీవుడ్లో ‘ది ట్విలైట్ సాగా’ వంటి సినిమాలు కూడా వచ్చాయి.
సూపర్ బ్లడ్ వోల్ఫ్ మూన్ అంటే?: చంద్రగ్రహణం ఎలా ఏర్పడుతుందో మనకు తెలిసిందే. చంద్రగ్రహణం రోజున సూర్యుడు, చంద్రుడికి మధ్య భూమి అడ్డుగా వస్తుంది. దీనివల్ల భూమి నీడ చంద్రుడు మీద పడి గ్రహణం ఏర్పడుతుంది. అలాగే, చంద్రుడు భూమికి దగ్గరగా వచ్చినప్పుడు పెద్ద ఆకారంలో కనిపిస్తాడు. ఈ ప్రక్రియను సూపర్ మూన్ అంటారు. అదే సమయంలో చంద్రగ్రహణం ఏర్పడితే ‘సూపర్ బ్లడ్ మూన్’ అని పిలుస్తారు. చంద్రుడు బాగా దగ్గరకు రావడం వల్ల చంద్రుడుపై పడే నీడ నల్లగా కాకుండా ఎర్ర రంగులో ఉంటుంది. దీనివల్ల సూపర్ బ్లడ్ మూన్ రక్తం రంగులో కనిపిస్తుంది.
కొద్ది రోజుల్లో ఏర్పడే ‘సూపర్ బ్లడ్ ఉల్ఫ్ మూన్’లో చంద్రగ్రహణం, సూపర్ మూన్ రెండూ ఉంటాయి. అమెరికా గిరిజనులు.. శీతాకాలంలో పౌర్ణమి రోజు కనిపించే చంద్రుడిని ‘ఉల్ఫ్ మూన్’ అని పిలుస్తారు. ఈ నేపథ్యంలో జనవరి 21న ఏర్పడే గ్రహణానికి ‘సూపర్ బ్లడ్ ఉల్ఫ్ మూన్’ అని పేరు పెట్టారు. తోడేలుకు, చంద్రుడికి చాలా దగ్గర సంబంధం ఉందని అమెరికాలోని కొన్ని సాంప్రదాయాల వారు నమ్ముతారు. ముఖ్యంగా శీతాకాలంలో వచ్చే పౌర్ణమి రోజులను ‘ఉల్ఫ్ మూన్’ అని పిలుస్తారు. దీని ఆధారంగా హాలీవుడ్లో ‘ది ట్విలైట్ సాగా’ వంటి సినిమాలు కూడా వచ్చాయి.