ఓహ్.. ఆ వాట్సాప్ ఫీచర్‌ త్వరలో అందుబాటులోకి

వాట్సాప్ ద్వారా పొరబాటున ఎవరికైనా మెసేజ్ పంపి నాలుక కరుచుకోవడం అనుభవమే కదూ..! ఇక ఇలాంటి తప్పిదాలు జరిగినా ఇబ్బందేం లేదు. త్వరలోనే ‘అన్‌సెండ్’ ఫీచర్‌ను వాట్సాప్‌ అందుబాటులోకి తీసుకురానుంది. డిలీట్ ఫర్ ఎవ్రీ వన్ అనే ఫీచర్‌ను వాట్సాప్ పరీక్షిస్తున్నట్లు WABetaInfo అనే వెబ్‌సైట్ వెల్లడించింది. ఇది వాట్సాప్ ఫీచర్లను పరీక్షిస్తుంది. త్వరలోనే ఈ ఫీచర్ అందుబాటులోకి రానున్నట్లు సదరు వెబ్‌సైట్ తెలిపింది.

ఈ ఫీచర్ ద్వారా యూజర్లు మెసేజ్ పంపిన ఐదు నిమిషాల్లోగా దాన్ని రీకాల్ చేయొచ్చు లేదా అన్‌సెండ్ చేయవచ్చు. వాట్సాప్ మేసేజ్‌లు, ఇమేజ్‌లు, వీడియోలు, జిఫ్, డాక్యుమెంట్లు, స్టేటస్ రిప్లయ్‌లను కూడా ఇలా అన్‌సెండ్ చేసే వీలుంది. అప్పటికే ఎదుటి వ్యక్తి ఆ మెసేజ్‌ను చదివితే లేదా వాట్సాప్ చేసి ఐదు నిమిషాలు దాటితే.. దాన్ని రీకాల్ చేయడం కుదరదు. అన్‌సెండ్ ఫీచర్ అండ్రాయిడ్, ఐఓఎస్ ఆపరేటింగ్ సిస్టమ్‌లలో అందుబాటులోకి రానుంది.

అప్పటికే పంపిన మెసేజ్‌లను ఎడిట్ చేసే ఫీచర్‌ను వాట్సాప్ బీటా వెర్షన్‌లో అందుబాటులో ఉంది. ఈ ఫీచర్ ఇంకా అభివృద్ధి దశలో ఉండటంతో డీఫాల్ట్‌గా డిజేబుల్‌గా ఉంటుంది. దీన్ని ఉపయోగించి యూజర్లు కొత్తగా పంపిన మెసేజ్‌లను ఎడిట్ చేయవచ్చు. ప్రస్తుతం వాట్సాప్ 10 భారతీయ భాషల్లో అందుబాటులో ఉంది. ప్రపంచ వ్యాప్తంగా 120 కోట్ల మంది ప్రతినెలా వాట్సాప్‌ను వాడుతున్నారు.