వీడియో: తాజ్‌ మహల్‌ హోటల్‌పై నుంచి దూకి ఆత్మహత్య

నారాయణగూడలోని తాజ్‌ మహల్‌ హోటల్‌పై నుంచి దూకి ఓ యువకుడు ఆత్మహత్యకు పాల్పడ్డాడు. హోటల్‌లో పనిచేస్తున్న లక్ష్మయ్య (17) శుక్రవారం (డిసెంబర్ 29) సాయంత్రం హోటల్ అయిదో అంతస్తు నుంచి ఒక్కసారిగా కిందకు దూకేశాడు. అక్కడే ఉన్న కొంత మంది అతణ్ని అడ్డుకోడానికి ప్రయత్నించి విఫలమయ్యారు. హోటల్‌ యాజమాన్యం ఈ ఈ ఘటనను గోప్యంగా ఉంచడంతో ఆలస్యంగా వెలుగులోకి వచ్చింది. సమాచారం అందుకున్న పోలీసులు ఘటనా స్థలానికి చేరుకొని కేసు నమోదు చేశారు. మృతదేహాన్ని పోస్టుమార్టం నిమిత్తం సికింద్రాబాద్‌లోని గాంధీ ఆసుపత్రికి తరలించారు.

ఒడిశా వాసి అయిన లక్ష్మయ్య గత కొంతకాలంగా తాజ్‌మహల్ హోటల్‌లో వర్కర్‌గా పనిచేస్తున్నాడు. అతడి ఆత్మహత్యకు గల కారణాలు తెలియాల్సి ఉంది. అతడు ఆత్మహత్యకు పాల్పడిన దృశ్యాలు సీసీటీవీ కెమెరాల్లో రికార్డయ్యాయి. పోలీసులు కేసు దర్యాప్తు చేస్తున్నారు.