హైదరాబాద్‌లో 3వేల పబ్లిక్ వైఫై హాట్‌స్పాట్‌లు

జూన్ చివరికల్లా హైదరాబాద్ నగరంలో మూడువేల పబ్లిక్ హాట్‌స్పాట్లు అందుబాటులోకి తీసుకొస్తామని తెలంగాణ ఐటీ మంత్రి కేటీఆర్ తెలిపారు. రాష్ట్రంలో ప్రతి కుటుంబంలో ఒకరిని డిజిటల్ అక్షరాస్యులుగా తీర్చిదిద్దాలని ప్రభుత్వం లక్ష్యంగా పని చేస్తోందని ఆయన అన్నారు. హైదరాబాద్ లో నిర్వహించిన సమాచార, సాంకేతిక పరిజ్ఞాన సదస్సుకు కేటీఆర్ ముఖ్యఅతిథిగా హాజరయ్యారు.

ఈ సందర్భంగా ఆయన మాట్లాడుతూ పెద్దనోట్ల రద్దు తర్వాత దేశంలో అత్యధికంగా డిజిటల్ లావాదేవీలు జరిగింది తెలంగాణలోనేనని చెప్పారు. సాఫ్ట్ వేర్ రంగంలో భారతీయులు దూసుకుపోతున్నారని అన్నారు.