త్వరలో 7వేల టీచర్ పోస్టుల భర్తీ: కడియం

తెలంగాణ రాష్ట్రంలో ఖాళీగా ఉన్న దాదాపు 7వేల ఉపాధ్యాయ పోస్టులను భర్తీ చేస్తామని ఉపముఖ్యమంత్రి, విద్యాశాఖమంత్రి కడియం శ్రీహరి వెల్లడించారు. గురువారం అసెంబ్లీలో జరిగిన చర్చలో ఆయన పాల్గొన్నారు. ఈ సందర్బంగా మాట్లాడుతూ వచ్చే విద్యా సంవత్సరంలో మరో ఐదు వేల పాఠశాలల్లో ఇంగ్లిష్ విద్యా బోధన ప్రారంభించనున్నట్లు ఆయన తెలిపారు.

వచ్చే జూన్ నాటికి 5,600 ప్రభుత్వం పాఠశాలల్లో డిజిటల్ క్లాసులు ప్రారంభిస్తామని కడియం పేర్కొన్నారు. ఈ నెల మార్చి 21 నుంచే వచ్చే విద్యాసంవత్సరానికి పాఠ్యపుస్తకాల పంపిణీ చేపట్టామని గుర్తుచేశారు.

విద్యాశాఖకు ఈ సారి బడ్జెట్ లో రూ.12,075కోట్లు కేటాయించినట్లు కడియం తెలిపారు. రాష్ట్రంలో మొత్తం 529 గురుకుల పాఠశాల్లో అన్ని వర్గాల పేద విద్యార్థులకు నాణ్యమైన విద్యను అందించడం తమ ప్రభుత్వ లక్ష్యమని స్పష్టం చేశారు.