ప్ర‌త్యేక హోదా కోసం సెల్‌ట‌వ‌ర్ ఎక్కిన వ్య‌క్తి

ప్రత్యేక హోదా కోసం ఏపీలో నిరసనలు రోజురోజుకు ఎక్కువ అవుతున్నాయి. భావోద్వేగాలతో కూడినది కావడంతో దానికి త‌గ్గ‌ట్లుగా ప్ర‌జ‌లు స్పందిస్తున్నారు. ఇదివ‌ర‌కే చిత్తూరు జిల్లాలో ఒక వ్య‌క్తి బ‌ల‌వ‌న‌ర్మ‌ణానికి పాల్ప‌డ‌గా, మ‌రికొంత మంది నిర‌స‌న‌లు తెలిపేందుకు వివిధ మార్గాల‌ను ఎంచుకుంటున్నారు. కొందరు టవరెక్కి నిరసనలు తెలుపుతున్నారు. తాజాగా అనంతపురం జిల్లా ధర్మవరం రూరల్ పోలీస్‌స్టేషన్ దగ్గర ప్రత్యేక హోదా కోసం పెనుబోలు విజయ్‌భాస్కర్ అనే మున్సిపల్ ఉద్యోగి సెల్‌టవర్ ఎక్కాడు.

ఏపీకి ప్రత్యేక హోదా ఇవ్వాలని, దీనిపై మోదీ ప్రకటన చేయకపోతే టవర్‌ పై నుంచి దూకి ఆత్మహత్య చేసుకుంటానంటూ భాస్కర్ నినాదాలు చేస్తున్నాడు. దీంతో పోలీసులు అధికారులు అక్కడకు వచ్చి భాస్కర్‌కు నచ్చజెప్పే ప్రయత్నం చేస్తున్నారు