‘గాంధీ’లో దారుణం.. ఆటోలో ప్రసవించిన మహిళ

ప్రసవ వేదనతో బాధపడుతున్న నిండు గర్భిణిని హాస్పిటల్లో చేర్చుకోవడానికి నిరాకరించడంతో పార్కింగ్ ప్రదేశంలోని ఆటోలోనే ఆమె బిడ్డకు జన్మనిచ్చింది. ఈ ఘటన హైదరాబాద్‌లోని గాంధీ హాస్పిటల్‌లో చోటు చేసుకుంది. ప్రముఖ న్యూస్ ఏజెన్సీ ఏఎన్ఐ ట్వీట్ చేయడంతో ఈ విషయం వెలుగులోకి వచ్చింది. ఈ సంఘటనకు సంబంధించిన ఫొటోను కూడా సదరు న్యూస్ ఏజెన్సీ ట్వీట్ చేసింది. ఇందుకు సంబంధించిన పూర్తి వివరాలేవీ తెలియరాలేదు. మనం ఏ శతాబ్దంలో ఉన్నాం..? అంటూ నెటిజన్లు హాస్పిటల్ సిబ్బంది వ్యవహార శైలిపై మండిపడుతున్నారు.

దేశవ్యాప్తంగా అనేక హాస్పిటళ్లలో ఇలాంటి ఘటనలు జరుగుతుండగా.. ఇప్పుడు హైదరాబాద్ లాంటి నగరంలోనూ ఇలాంటి దుస్థితి తలెత్తడం బాధాకరం. మాతా శిశుమరణాలను తగ్గించడం కోసం ఈ మధ్య గాంధీ హాస్పిటల్లోనే హోమం నిర్వహించిన సంగతి తెలిసిందే.

Hyderabad: A woman delivered her baby inside an auto in the parking of Gandhi Hospital after the hospital allegedly denied to admit her. pic.twitter.com/7acr5PYgX5 — ANI (@ANI_news) August 3, 2017