ఏపీ అధికారిని పట్టుకున్న ఏసీబీ

ఏపీ సచివాలయంలో మొదటిసారి ఏసీబీ అధికారులు దాడులు నిర్వహించారు. అమరావతిలోని వెలగపూడిలో తాత్కాలిక సచివాలయంలో ఏపీ ఉద్యోగులు పనులు ప్రారంభించిన సంగతి తెలిసిందే. సచివాలయం అక్కడికి తరలి వెళ్లినప్పటి నుంచి ఇంతవరకు ఏసీబీ అధికారులు అక్కడ అడుగుపెట్టలేదు. శుక్రవారం పక్కా సమాచారంతో ఏసీబీ అధికారులు ఆకస్మిక దాడులు చేశారు. సెక్షన్ ఆఫీసర్ శ్రీనాథ్‌ను వలపన్ని పట్టుకున్నారు. ఓ వ్యక్తి నుంచి రూ.50 వేలు తీసుకుంటుండగా శ్రీనాథ్ ను రెడ్ హ్యాండెడ్ గా పట్టుకున్నారు. డబ్బును స్వాధీనం చేసుకున్నారు. దర్యాప్తు ఇంకా సాగుతోంది. ఈ ఘటనకు సంబంధించి పూర్తి వివరాలు తెలియాల్సి ఉంది.