తెలంగాణ కొత్త జిల్లాలపై అఖిలపక్షం

తెలంగాణ రాష్ట్రంలో కొత్త జిల్లాల ఏర్పాటుపై ప్రభుత్వం శనివారం అఖిలపక్షం సమావేశం ఏర్పాటు చేసింది. అధికార పార్టీ టీఆర్ఎస్, కాంగ్రెస్, టీడీపీ, ఎంఐఎం, సీపీఐ, సీపీఎంల నుంచి ప్రతినిధులు ఈ సమావేశంలో పాల్గొంటారు. ప్రస్తుతం తెలంగాణలో 10 జిల్లాలు, 42 రెవెన్యూ డివిజన్లు, 459 మండలాలు ఉన్నాయి. వీటిని 27జిల్లాలుగా, 56 రెవెన్యూ డివిజన్లు, 505 మండలాలుగా పునర్వ్యస్థీకరిచేందుకు ప్రభుత్వం కసరత్తు ప్రారంభించింది. ఒక్కో జిల్లాలో 18 లక్షల జనాభా ఉండేలా జిల్లాలను ఏర్పాటు చేయాలని సర్కారు నిర్ణయించింది. అఖిల పక్ష సమావేశం అనంతరం వివిధ పార్టీల నుంచి వచ్చే సలహాలు, సూచనల అనంతరం ఎల్లుండి కొత్త జిల్లాల ఏర్పాటుపై ముసాయిదా ప్రకటించేందుకు రంగం చేసింది.
ప్రభుత్వం ప్రతిపాదిస్తున్న కొత్త జిల్లాల ఏర్పాటు వివరాలు
ఆదిలాబాద్- ఆదిలాబాద్, కొమరం భీం, నిర్మల్
నిజామాబాద్- నిజామాబాద్, కామారెడ్డి
కరీంనగర్- కరీంనగర్, జగిత్యాల, పెద్దపల్లి
మహబూబ్ నగర్- మహబూబ్ నగర్, నాగర్ కర్నూల్, వనపర్తి లేదా గద్వాల
ఖమ్మం-ఖమ్మం, కొత్తగూడెం
వరంగల్- వరంగల్, హన్మకొండ, మహబూబాబాద్, జయశంకర్ జిల్లాలు
రంగారెడ్డి- వికారాబాద్, మల్కాజ్ గిరి, శంషాబాద్
మెదక్-మెదక్, సిద్ధిపేట, సంగారెడ్డి
నల్గొండ- నల్గొండ, సూర్యాపేట, యాద్రాది