వైసీపీ గూటికి ఆనం విజయ్‌కుమార్ రెడ్డి

నెల్లూరు జిల్లాకు చెందిన ఆనం విజయ కుమార్ రెడ్డి వైసీపీ తీర్థం పుచ్చుకున్నారు. లోటస్ పాండ్ లో ఆ పార్టీ అధినేత జగన్ సమక్షంలో బుధవారం ఆయన వైసీపీ కండవా కప్పుకున్నారు. ఈ కార్యక్రమంలో ఎంపీ మేకపాటి సహా జిల్లాకు చెందిన వైసీపీ ఎమ్మెల్యేలు పాల్గొన్నారు. ఆనం విజయకుమార్ వైసీసీలో చేరికతో కాంగ్రెస్ తో ఆనం కుంటుంబ సభ్యులకు ఉన్న సంబంధాలు పూర్తిగా తెగిపోయినట్లయింది. ఇటీవలికాలంలో ఆనం రాంనారాయణరెడ్డి, వివేకానందరెడ్డిలు టీడీపీ తీర్థం పుచ్చుకున్న విషయం తెలిసిందే. ఆనం విజయకుమార్ గత ఎన్నికల్లో నెల్లూరు రూరల్ నుంచి కాంగ్రెస్ తరఫున ఎమ్మెల్యేగా పోటీ చేసి ఓడిపోయారు.

ఆనం విజయకుమార్ పార్టీలో చేరిన నేపథ్యంలో జగన్ మీడియాతో సమావేశం నిర్వహించారు. ఈ సందర్భంగా ఆయన మాట్లాడుతూ ఆనం విజయకుమార్ చేరికతో నెల్లూరు జిల్లాలో వైసీపీ మరింత బలోపేతమతుందన్నారు. టీడీపీ నుంచి వెళ్లిన 8 మంది ఎమ్మెల్యేలు లేని లోటు ఆనం విజయ్ తీర్చేశారని వెల్లడించారు. డబ్బలిచ్చి ప్రలోభాలను గురి చేసిన చంద్రబాబు నీచ రాజకీయాలు ఎంతో కాలం సాగవని వైసీపీ అధినేత జగన్ అన్నారు.