తిత్లీ బీభత్సం: రూ.1200 కోట్లతో ఆదుకోండి ప్రధానికి సీఎం లేఖ

ఉత్తరాంధ్రలో పెను విధ్వంసం సృష్టించిన తిత్లీ తుఫాన్‌పై ముఖ్యమంత్రి చంద్రబాబు నాయుడు ప్రధాని నరేంద్ర మోదీకి శనివారం లేఖ రాశారు. తుఫాన్ దాటికి శ్రీకాకుళం జిల్లాకు భారీ నష్టం వాటిల్లిందని తెలిపారు. రాష్ట్ర ప్రభుత్వం యుద్ధ ప్రాతిపదికన సహాయక చర్యలు చేపట్టిందని పేర్కొన్నారు. కేంద్రం కూడా తనవంతుగా సాయం చేయాలని కోరారు.

ప్రాథమిక అంచనా ప్రకారం తుపాన్ వల్ల రూ.2800 కోట్లు వరకు నష్టం వాటిల్లిందని లేఖలో తెలిపారు. కేంద్ర తక్షణ సాయం కింద రూ.1200 కోట్లు విడుదల చేయాలన్నారు. వ్యవసాయ, ఉద్యాన తోటలకు రూ.1800 కోట్లు, విద్యుత్ రంగానికి రూ.500 కోట్లు, పంచాయితీ రాజ్, పశుసంవర్ధక శాఖ, గ్రామీణ నీటి సరఫరా, జలవనరుల శాఖలకు రూ.100 కోట్లు చొప్పున నష్టం వాటిల్లిందని సీఎం వెల్లడించారు.