గోదావరిలో లాంచీ మునక: 35 మంది గల్లంతు?

కొద్ది రోజుల కిందట గోదావరిలో లాంచీ అగ్ని ప్రమాదానికి గురైన ఘటన మరవక ముందే.. మరో ఘోర ప్రమాదం మంగళవారం చోటు చేసుకుంది. తూర్పు గోదావరి జిల్లా దేవిపట్నంలోని మంటూరు వద్ద లాంచి బోల్తా పడి సుమారు 35 మంది ప్రయాణికులు గల్లంతైనట్లు తెలిసింది. సాయంత్రం సుమారు 4.30 గంటల సమయంలో ఈ ప్రమాదం చోటు చేసుకుంది.

ప్రాథమిక సమాచారం ప్రకారం.. ఈ లాంచిలో 40 మంది ప్రయాణికులు ఉన్నారు. లాంచీ గోదావరిలో ప్రయాణిస్తున్న సమయంలో సుడిగాలులు వీయడంతో లాంచీ తలుపులు మూసివేశారని, దీంతో లాంచీ అక్కడిక్కడే మునిగిపోయింది. సుమారు 5 మంది ప్రయాణికలు ఒడ్డుకు ఈదుకుని వచ్చినట్లు స్థానికుల సమాచారం. ప్రమాద వార్త తెలియగానే అధికారులు అక్కడికి చేరుకుని గల్లంతైన ప్రయాణికుల కోసం గాలింపులు మొదలుపెట్టారు. ఇటీవల లాంచీ అగ్ని ప్రమాదానికి గురైన ప్రాంతంలోనే ఈ ఘటన చోటుచేసుకోవడం గమనార్హం.