జులై 9 బ్లాక్ డే.. పరిపూర్ణానందకు కన్నా మద్దతు

స్వామి పరిపూర్ణానంద హౌస్ అరెస్ట్ దరుదృష్టకరమన్నారు ఏపీ బీజేపీ అధ్యక్షుడు కన్నా లక్ష్మీనారాయణ. పరిపూర్ణానందకు మద్దతు తెలుపుతూ ఆయన ట్వీట్లు చేశారు. ‘ప్రజాస్వామ్యంలో జులై 9 మరో బ్లాక్ డే.. తెలుగు రాష్ట్రాల్లోని వందలాదిమంది హిందువుల కోసం పాదయాత్ర చేపట్టేందుకు ప్రయత్నించిన స్వామి పరిపూర్ణానందను పోలీసులు నిర్భందించడం దారుణం. ఏమతమైనా సరే.. దేవుడ్ని లేదా దేవత గురించి ఎవరైనా తప్పుగా మాట్లాడితే.. అలాంటి వాళ్లను కఠినంగా శిక్షించాలనే డిమాండ్‌తోనే ఆయన పాదయాత్ర చేయాలనుకున్నారు. ఇది కూడా నేరమా.. ఎంత గొప్ప పాలన మనది.. ఇప్పటికైనా ప్రభుత్వం స్వామీజీని విడుదల చేయాలన్నారు’కన్నా.

రాముడిపై సినీ క్రిటిక్ కత్తి మహేష్ అనుచిత వ్యాఖ్యలు చేశారంటూ.. ధర్మాగ్రహ యాత్ర పేరుతో స్వామి పరిపూర్ణానంద హైదరాబాద్‌లో పాదయాత్రకు ప్రయత్నించారు. ఆయన్ను పోలీసులు అడ్డుకోవంతో ఉద్రిక్త పరిస్థితులు ఏర్పడ్డాయి. దీంతో స్వామిని గృహ నిర్భందం చేశారు. గత రెండు రోజులుగా ఆయన హౌస్ అరెస్ట్‌లోనే ఉన్నారు. దీనిపైనే కన్నా స్పందిస్తూ ట్వీట్లు చేసి.. పరిపూర్ణానందకు తన మద్దతు తెలిపారు.