పవన్‌కు ఏపీ సీఎం చంద్రబాబు బర్త్ డే విషెస్

జనసేన అధినేత పవన్ కళ్యాణ్‌ పుట్టినరోజు కావడంతో శుభాకాంక్షలు వెల్లువెత్తుతున్నాయి. సినిమా సెలబ్రిటీలు, రాజకీయ నేతలు, అభిమానులు, జన సైనికులు పవన్‌కు విషెస్ చెబుతున్నారు. జనసేనానికి ఏపీ సీఎం చంద్రబాబు కూడా శుభాకాంక్షలు తెలుపుతూ ట్వీట్ చేశారు. పవన్‌కు పుట్టిన రోజు శుభాకాంక్షలు.. ఆయన ఆయురారోగ్యాలతో వర్థిల్లాలని కోరుకుంటున్నానన్నారు ముఖ్యమంత్రి చంద్రబాబు.

మరోవైపు పుట్టిన రోజు వేడుకల్ని తెలుగు రాష్ట్రాల్లో ఓ పండుగల జరుపుతున్నారు. అభిమానులు, జన సైనికులు సేవా కార్యక్రమాలను ఏర్పాటు చేశారు. జనసేన ఆధ్వర్యంలో కూడా సెలబ్రేషన్స్‌ నిర్వహించారు.