బాబు ఢిల్లీ టూర్: శరద్ యాదవ్, కెజ్రీలతో భేటీ

ముఖ్యమంత్రి చంద్రబాబు నాయడు శనివారం ఢిల్లీ చేరుకున్నారు. ఈ సందర్భంగా లోక్‌తంత్రిక్ జనతాదళ్ వ్యవస్థాపకుడు శరద్ యాదవ్, ఢిల్లీ ముఖ్యమంత్రి, ఆమ్‌ఆద్మీ పార్టీ అధినేత అరవింద్ కెజ్రీవాల్‌తో ఆయన ఏపీ భవన్‌లో ప్రత్యేకంగా భేటీ అయ్యారు. ఈ సందర్భంగా ఆంధ్రప్రదేశ్‌పై కేంద్ర ప్రభుత్వం తీరును వారికి వివరించారు.

ఈ భేటీలో జమ్ము కశ్మీర్ నేషనల్ కాన్ఫరెన్స్ పార్టీ అధినేత ఫరూక్ అబ్దుల్లా కూడా పాల్గొన్నట్లు తెలిసింది. అనంతరం ఢిల్లీ పర్యటనపై ఏపీభవన్‌లో జరిగే విలేకరుల సమావేశంలో చంద్రబాబు మాట్లాడతారు. రాష్ట్ర విభజన చట్టం అమలు చేయకుండా కేంద్రం ఏపీని కేంద్రం ఇబ్బందులకు గురిచేస్తుండటం, టీడీపీ లక్ష్యంగా జరుగుతున్న ఐటీ దాడులు, రాష్ట్రంలో నెలకొన్న తాజా రాజకీయ పరిస్థితులు గురించి చంద్రబాబు చర్చించినట్లు తెలిసింది. సీబీఐ, రాఫేల్‌ కుంభకోణాలు తదితర అంశాలను జాతీయ మీడియాకు వివరించనున్నారు. ఈ సందర్భంగా ‘డెమోక్రసీ ఇన్‌ డేంజర్‌.. టార్గెట్‌ ఏపీ’ పేరుతో పవర్‌ పాయింట్‌ ప్రజెంటేషన్‌ కూడా ఇవ్వనున్నారు.