తిరుపతిలో ఘనంగా స్వాతంత్య్ర వేడుకలు..

తిరుపతిలోని తారకరామ మైదానంలో ఆంధ్రప్రదేశ్ ముఖ్యమంత్రి నారా చంద్రబాబునాయుడు జాతీయజెండా ఆవిష్కరించారు. ఆ తర్వాత గౌరవ వందనాన్ని స్వీకరించి, ప్రత్యేక వాహనంపై మైదానంలో పరేడ్‌ను పరిశీలించారు. అనంతరం ఉత్తమ ప్రతిభ కనబరిచిన పోలీసు అధికారులకు పతకాలను అందజేస్తున్నారు. 71వ స్వాతంత్య్ర దినోత్సవ వేడుకలను తిరుపతిలో ఘనంగా నిర్వహిస్తున్నారు. ఆంధ్రప్రదేశ్‌ ప్రభుత్వం.. రాష్ట్రంలో ఒక్కో ఏడాది ఒక్కో పట్టణంలో స్వాతంత్య్ర దినోత్సవ వేడుకలను నిర్వహిస్తున్న విషయం తెలిసిందే.

ఈ ఏడాది రాష్ట్ర ప్రభుత్వం తిరుపతిలో అధికారికంగా స్వాతంత్య్ర దినోత్సవ వేడుకలను నిర్వహిస్తోంది. ఈ కార్యక్రమంలో పలువురు ప్రజాప్రతినిధులు, అధికారులు, ప్రజలు భారీ సంఖ్యలో హాజరయ్యారు.