వెలగపూడి నుంచి బాబు పాలన ప్రారంభం

ఏసీ సీఎం చంద్రబాబు వెలగపూడిలో నిర్మించిన సచివాలయం నుంచి పాలన ప్రారంభించారు. ఇంతవరకు విజయవాడ కేంద్రంగా పనిచేసిన ఆయన అధికారికంగా బుధవారం నుంచి వెలగపూడి సచివాలయం కేంద్రంగా పరిపాలన ఆరంభించారు. పాలన ఆరంభించేందుకు సచివాలయానికి చేరుకున్న ఆయనకు ఉద్యోగులు, అధికారులు ఘన స్వాగతం పలికారు. వారందరి మధ్య చంద్రబాబు కాసేపు మాట్లాడారు. కష్టపడి అందమైన రాజధాని నగరాన్ని నిర్మించుకుందామన్నారు. ఉద్యోగులు ఎన్నో త్యాగాలు చేసి ఇక్కడికి వచ్చారని, వారికి ఎలాంటి ఇబ్బందులు కలుగకుండా చూసుకుంటానని తెలిపారు. అలాగే ప్రజలకు ఇబ్బందులు కలుగకుండా ఉద్యోగులు చూసుకోవాలన్నారు.