కూచిపూడిని విశ్వవ్యాప్తం చేస్తాం - చంద్రబాబు

విజయవాడ: కూచిపూడి ఏపీకి వారసత్వంగా వచ్చిన సంపద అని ఏపీ సీఎం చంద్రబాబు అన్నారు. కృష్ణా పుష్కరాల ముగింపు వేడుకల సందర్భంగా ఏర్పాటు చేసిన కార్యక్రమంలో ఏపీ సీఎం ప్రసంగించారు. ఈ సందర్భంగా ఆయన మాట్లాడుతూ ఏపీకి రెండు వాతసర్వ సంపదలు ఉన్నాయని.. వాటిలో ఒకటి తిరుమల శ్రీవారు అయితే.. రెండోది కూచిపూడి నృత్యమన్నారు. అన్ని కళల్లో బ్రహ్మాండమైన కళ కూచిపూడి అని.. దీన్ని విశ్వవ్యాప్తం చేసేందుకు చర్యలు తీసుకుంటామని చంద్రబాబు అన్నారు. కృష్ణా పుష్కరాల ముగింపు సందర్భంగా కూచిపూడి నృత్య ప్రదర్శనను తిలకించిన ఏపీ సీఎం చంద్రబాబు ఈ విధంగా స్పందించారు.