Chandrababu Naidu, జగన్ విదేశీ పర్యటనలు.. ఆయన రాగానే, ఈయన..

ఏపీ సీఎం వైఎస్ జగన్, ప్రతిపక్ష నేత చంద్రబాబు నాయుడు వేర్వేరుగా విదేశీ పర్యటనలకు వెళ్లనున్నారు. చంద్రబాబు అమెరికా వెళ్తుండగా.. జగన్ జెరూసలెం వెళ్తున్నారు. ఇద్దరివీ వ్యక్తిగత పర్యటనలే. టీడీపీ చీఫ్ చంద్రబాబు నాయుడు ఆదివారం అమెరికా వెళ్తున్నారు. మూడ్రోజులపాటు ఆయనలో అమెరికా పర్యటనలో ఉండబోతున్నారు. వైద్య పరీక్షల నిమిత్తమే బాబు యూఎస్ వెళ్తున్నారని తెలుస్తోంది. ఆయన తిరిగి ఆగష్టు 1న ఇండియా రానున్నారు.

చంద్రబాబు స్వదేశానికి వచ్చిన రోజే సీఎం వైఎస్ జగన్ విదేశీ పర్యటనకు వెళ్తున్నారు. ఆగష్టు 1 నుంచి 4వ తేదీ వరకు ఇజ్రాయెల్‌లోని జెరూసలేంలో కుటుంబ సమేతంగా జగన్ పర్యటిస్తారు. ఆయన సొంత ఖర్చులతో ఈ పర్యటనకు వెళుతున్నారు. ఈ పర్యటనకు కేంద్ర హోం శాఖ నుంచి అనుమతి లభించింది. గతంలో వైఎస్ రాజశేఖర రెడ్డి సీఎంగా ఉన్నప్పుడు కూడా కుటుంబ సమేతంగా జెరూసలేం వెళ్లొచ్చారు.

జెరూసలేం పర్యటన ముగించుకొని వచ్చిన తర్వాత జగన్ అమెరికా పర్యటనకు వెళ్లనున్నారు. ఆగష్టు 17 నుంచి 23 వరకు జగన్ అమెరికాలో పర్యటిస్తారు. అమెరికా పర్యటన సందర్భంగా డల్లాస్‌లోని కేబెల్లే కన్వెన్షన్ సెంటర్ ప్రవాస భారతీయులతో జగన్ సమావేశం కానున్నారు.