ఏబీ వెంకటేశ్వరరావుకు కీలక పదవి.. ఏసీబీ డీజీగా నియామకం

ఏపీ ఎన్నికల సమయంలో బదిలీ వేటుకు గురైన ఏబీ వెంకటేశ్వరరావుకు కీలక పదవీ బాధ్యతలు అప్పగించారు. రాష్ట్ర అవినీతి నిరోధక శాఖ (ఏసీబీ) డీజీగా ఆయణ్ని నియమించారు. ఈ మేరకు ఏపీ ప్రభుత్వ ప్రధాన కార్యదర్శి ఎల్వీ సుబ్రమణ్యం సోమవారం (ఏప్రిల్ 22) ఉత్తర్వులు జారీచేశారు. గవర్నర్ నరసింహన్ ఉత్తర్వుల మేరకు ఈ నిర్ణయం తీసుకున్నట్లు పేర్కొన్నారు. ఏపీ డీజీపీ ఆర్పీ ఠాకూరే ఇప్పటిదాకా ఏసీబీ డీజీగా అదనపు బాధ్యతలు నిర్వహిస్తున్న విషయం తెలిసిందే.

ఇంతకుముందు ఇంటెలిజెన్స్‌ డీజీగా ఉన్న వెంకటేశ్వరరావును ఎన్నికల సమయంలో ఈసీ బదిలీ చేసింది. నేటివరకు ఆయనకు ఎలాంటి పోస్టింగ్‌ ఇవ్వలేదు. ఈ నేపథ్యంలో వెయిటింగ్‌లో ఉన్న ఆయణ్ని ఏసీబీ డీజీగా నియమిస్తూ సీఎస్‌ ఉత్తర్వులు జారీచేశారు. వెంకటేశ్వరరావును తక్షణమే విధుల్లో చేరాల్సిందిగా ఉత్తర్వుల్లో పేర్కొన్నారు. వెంకటేశ్వరరావు 1989 బ్యాచ్‌కు చెందిన ఐపీఎస్‌ అధికారి.