సెప్టెంబర్ 18,19న రాష్ట్ర వ్యాప్తంగా బతుకమ్మ చీరలను పంపిణీ చేస్తామని నిజామాబాద్ ఎంపీ కవిత తెలిపారు. తెలంగాణ వ్యాప్తంగా కోటి మందికి పైగా మహిళలకు చీరలు పంపిణీ చేయడానికి ప్రభుత్వం ఏర్పాట్లు చేస్తోంది. పండగ ఏర్పాట్ల ఖర్చుల నిమిత్తం 18లోగా జిల్లాలకు నిధులు అందజేస్తామని సీఎస్ ఎస్పీ సింగ్ ఇప్పటికే ప్రకటించారు. మరోవైపు రాష్ట్రంలో సెప్టెంబర్ 20 నుంచి 28 వరకు జరగనున్న బతుకమ్మ పండగకు భారీగా ఏర్పాట్లు చేస్తున్నారు. 26న ఎల్బీ స్టేడియంలో మెగా బతుకమ్మ ఉత్సవాన్ని 35000 మంది మహిళలతో పెద్ద ఎత్తున నిర్వహించనున్నట్లు కవిత తెలిపారు. గతేడాది నెలకొల్పిన గిన్నిస్ బుక్ ఆఫ్ రికార్డ్స్ను తిరగరాస్తామని ఆమె పేర్కొన్నారు.
బతుకమ్మ పండగ ప్రారంభ రోజైన సెప్టెంబర్ 20న సెలవుగా నిర్ణయించారు. సద్దుల బతుకమ్మ పండగ రోజైన 28తో పాటు 29, 30 తేదీలను దసరా సెలవుగా ప్రకటించారు.
బతుకమ్మ పండగ ప్రారంభ రోజైన సెప్టెంబర్ 20న సెలవుగా నిర్ణయించారు. సద్దుల బతుకమ్మ పండగ రోజైన 28తో పాటు 29, 30 తేదీలను దసరా సెలవుగా ప్రకటించారు.