బీరు బాటిళ్ల లారీ బోల్తా..

బీరు బాటిళ్ల లోడుతో వెళుతున్న లారీ అదుపుతప్పి బోల్తా పడటంతో సుమారు 1300 కాటన్ల బీరు నేలపాలైంది. ఆ యజమాని పరిస్థితి ఏమిటో తెలియదు గానీ.. దారెంట వెళుతున్న మద్యంప్రియులు ఆ దృశ్యం చూసి గుండెలు బాదుకుంటున్నారు. బీరు బాటిళ్లు తీసుకెళ్లడానికి జనం ఎగబడుతుండటంతో అక్కడ ట్రాఫిక్‌కు అంతరాయం ఏర్పడింది. పోలీసులు వచ్చి పరిస్థితి చక్కదిద్దారు. జనగాం జిల్లా కేంద్రం శివారులోని చంపక్‌ హిల్స్‌ ప్రాంతంలో ఈ ఘటన జరిగింది. సంగారెడ్డి నుంచి వరంగల్‌కు బీరు సీసాల లోడుతో వెళుతున్న లారీ బోల్తా పడింది. ఈ ఘటనలో లారీ డ్రైవర్‌ స్వల్ప గాయాలతో బయటపడ్డాడు.

పెద్ద మొత్తంలో బీరు సీసాలు రోడ్డు పాలవడంతో భారీ నష్టం జరిగింది. స్థానికులెవరూ బీరు బాటిళ్లను తస్కరించకుండా అక్కడ పోలీసు బందోబస్తు ఏర్పాటు చేశారు.