బీజేపీ ఎమ్మెల్యే రాజాసింగ్ రాజీనామా

తన పదవికి రాజీనామా చేసినట్లు హైదరాబాద్ లోని గోషామహల్ ఎమ్మెల్యే రాజాసింగ్ తెలిపారు. ఫ్యాక్స్ ద్వారా ముఖ్యమంత్రి కేసీఆర్ కు తన రాజీనామా లేఖను పంపినట్లు ఆయన వెల్లడించారు.

తాను ప్రాతినిధ్యం వహిస్తున్న గోషామహల్ నియోజకవర్గ పరిధిలో నాటు సారా తయారీదారులకు ప్రత్యమ్నాయ ఉపాధి కల్పించాలని రాజాసింగ్ ప్రభుత్వాన్ని కోరారు. ఈ అంశాన్ని సీఎం దృష్టికి తీసుకెళ్లేందుకు ఆయన అపాయింట్ మెంట్ కోసం ప్రయత్నించి భంగపడ్డారు. సీఎంను కలిసేందుకు తనకు అపాయింట్ మెంట్ ఇవ్వలేదని రాజాసింగ్ ఆరోపించారు. సీఎం తీరుకు నిరసనగానే తాను రాజీనామా చేసినట్లు ఆయన పేర్కొన్నారు.