కృష్ణానదిలో ఓ బోటుకు మంటలు అంటుకోవడం కలకలానికి దారితీసింది. నదిలో నిలిపి ఉంచిన ఓ బోటులో ఒక్కసారిగా మంటలు చెలరేగాయి. స్థానికులు గుర్తించి కేకలు వేయడంతో.. బోటు నిర్వాహకులు అప్రమత్తమయ్యారు. వెంటనే మంటలను అదుపులోకి తీసుకొచ్చారు. రైడింగ్‌కు అనుమతి లేకపోవడంతో బోటును తాడేపల్లి వద్ద కృష్ణానదిలో జెట్టికి కట్టి ఉంచారు. అయితే.. సోమవారం (జనవరి 28) మధ్యాహ్నం ఆ బోటులో ఒక్కసారిగా మంటలు చెలరేగాయి.
ప్రమాదానికి గురైన బోటు ప్రైవేట్ సంస్థ ఛాంపియన్స్ యాచ్ క్లబ్‌కు చెందిన క్రూయిజ్ పడవగా అధికారులు గుర్తించారు. నదిలో తిరగడానికి దీనికి అనుమతి లేదని అధికారులు వెల్లడించారు. ప్రమాదానికి గల కారణాలు తెలియాల్సి ఉంది. టూరిజం శాఖ అధికారులు విచారిస్తున్నారు.
ఇది ఎవరైనా ఆకతాయిల పని అయుండొచ్చనే కోణంలో దర్యాప్తు చేస్తున్నారు. విజయవాడలో సీఎం చంద్రబాబు నివాసానికి సమీపంలోనే ఈ ప్రమాదం చోటుచేసుకోవడం కలకలానికి కారణమైంది.
ప్రమాదానికి గురైన బోటు ప్రైవేట్ సంస్థ ఛాంపియన్స్ యాచ్ క్లబ్‌కు చెందిన క్రూయిజ్ పడవగా అధికారులు గుర్తించారు. నదిలో తిరగడానికి దీనికి అనుమతి లేదని అధికారులు వెల్లడించారు. ప్రమాదానికి గల కారణాలు తెలియాల్సి ఉంది. టూరిజం శాఖ అధికారులు విచారిస్తున్నారు.
ఇది ఎవరైనా ఆకతాయిల పని అయుండొచ్చనే కోణంలో దర్యాప్తు చేస్తున్నారు. విజయవాడలో సీఎం చంద్రబాబు నివాసానికి సమీపంలోనే ఈ ప్రమాదం చోటుచేసుకోవడం కలకలానికి కారణమైంది.