మహిళలకే ఉద్యోగాలంటూ.. బాస్ కామకేళి

ఇంజినీరింగ్ కంపెనీలో మహిళా ఉద్యోగినులతో కామకేళి నడిపిస్తున్న ఓ బాస్‌ గుట్టురట్టయ్యింది. విశాఖపట్నం జిల్లా మద్దిలపాలెంనకు చెందిన శ్రీనివాసరావు ద్వారకానగర్‌లో ఓ ఇంజినీరింగ్ సంస్థని గత కొంతకాలంగా నిర్వహిస్తున్నాడు. ఇందులో మహిళలకే ఎక్కువ ఉద్యోగ అవకాశాల్ని కల్పిస్తూ.. మాయమాటలతో వారిని లొంగదీసుకుని.. వారితో ఏకాంతంగా గడిపిన సమయంలో తీసుకున్న ఫొటోలు, వీడియోలను ఫ్రెండ్స్‌కి షేర్ చేసేవాడు.

ఇలా ఓ ఉద్యోగినితో శ్రీనివాసరావు ఏకాంతంగా ఉన్న వీడియో ఇటీవల ఆ ఉద్యోగిని భర్తకి చేరడంతో హతాశుడైన ఆయన పోలీసులకి ఫిర్యాదు చేశాడు. ఉద్యోగినుల్లోనే ఒకరికి తెలియకుండా మరికొరిని లొంగదీసుకోవడం.. తర్వాత నిరాకరిస్తే ఫొటోలు, వీడియోలు చూపించి బెదిరించడం లాంటివి చేసేవాడని పోలీసుల విచారణలో వెల్లడైంది. ఈ కుటిల బుద్ధితోనే ఏరికోరి మరీ మహిళలకే సంస్థలో ఎక్కువ ఉద్యోగాలు ఇచ్చినట్లు తెలిసింది. ఈ మేరకు కేసు నమోదు చేసిన పోలీసులు శ్రీనివాసరావుని అరెస్టు చేసి విచారిస్తున్నారు.