పెళ్లి మేళా.. ఆ వధువుకు చావు మేళా అయ్యింది!

ఆ పెళ్లి కూతురి పాలిట.. పెళ్లి మేళా చావు మేళా అయ్యింది. అప్పటి వరకు ఎంతో సందడిగా కనిపించిన.. ఆ ప్రాంతం ఒక్కసారిగా విషాదంతో నిండిపోయింది. ఈ ఘటన శనివారం రాత్రి చోటు చేసుకుంది. సూర్యాపేటలోని శంకర్ విలాస్ సెంటర్ సమీపంలో ఫాస్ట్‌ఫుడ్ సెంటర్ నిర్వాహకుడు హనుమయ్య కుమార్తె గాయత్రి (23)ను వరంగల్ జిల్లా నెల్లికుదురుకు చెందిన వేణుతో పెళ్లి చేశారు.

పెళ్లి తర్వాత వధువురులు ఇద్దరు స్థానిక వేంకటేశ్వర స్వామి ఆలయంలో పూజలు నిర్వహించారు. దైవ దర్శనం తర్వాత ఇంటికి తిరుగు ప్రయాణమయ్యారు. ఈ సందర్భంగా నిర్వహించిన ఊరేగింపులో డీజే ఏర్పాటు చేశారు. అయితే, ఆ భారీ శబ్ధాలకు వధువుకు గుండె పోటు వచ్చి కుప్ప కూలింది. వెంటనే ఆమెను స్థానిక ఆసుపత్రికి తరలించారు. అయితే, పరిస్థితి విషమంగా ఉందని వైద్యులు చెప్పడంతో మరో ఆసుపత్రికి తరలిస్తుండగా మార్గ మధ్యలో మృతిచెందింది.