Bus And Flight Services Cancelled Due To Phethai Cyclone Affect
Flights in Andhra Cancelled: మధ్యాహ్నంలోపే తీరం దాటనున్న పెథాయ్.. నిలిచిపోయిన రవాణా
విశాఖపట్నంలో బలమైన ఈదురుగాలులు వీయడంతో పలు విశాఖ విమానాశ్రాయానికి వచ్చిన పలు విమానాలను దారి మళ్లించగా, మరికొన్ని ఆలస్యంగా నడుస్తున్నాయి.
Samayam Telugu17 Dec 2018, 11:37 am
బంగాళాఖాతంలో ఏర్పడిన తుఫాను పెథాయ్ గంటలకు 16 కిలోమీటర్ల వేగంతో దూసుకొస్తుంది. ప్రస్తుతం కాకినాడకు 125 కిలోమీటర్ల దూరంలో కేంద్రీకృత‌మై ఉన్న తుఫాను సోమవారం ఉదయం 11.30 నుంచి 2.30 గంటల మధ్య తీరం దాటే అవకాశం ఉందని వాతావరణ శాఖ హెచ్చరించింది. తుఫాను ప్రభావంతో కృష్ణా, గుంటూరు, పశ్చిమ, తూర్పుగోదావరి, విశాఖపట్నం, విజయనగరం, శ్రీకాకుళం జిల్లాల్లో భారీ వర్షాలు కురుస్తున్నాయి. తీరం దాటే సమయంలో బీభత్సం సృష్టించే అవకాశం ఉందన్న హెచ్చరికలతో అధికారులు ముందస్తు చర్యలు చేపట్టారు. ఇప్పటికే రైల్వే శాఖ పలు రైళ్లను రద్దు చేసింది.
Samayam Telugu
రాష్ట్ర రోడ్డు రవాణా సంస్థ కూడా సర్వీసులను నిలిపివేసింది. రాజమండ్రి నుంచి కాకినాడ, అమలాపురం, నరసాపురం, విశాఖపట్నం వెళ్లే బస్సు సర్వీసులను రద్దు చేశారు. మధ్యాహ్నం నుంచి పూర్తిగా కొన్ని ప్రాంతాలకు బస్సు సర్వీసులను నిలిపివేస్తామని అధికారులు ప్రకటించారు. ఇక, విశాఖపట్నంలో బలమైన ఈదురుగాలులు వీయడంతో పలు విశాఖ విమానాశ్రాయానికి వచ్చిన పలు విమానాలను దారి మళ్లించగా, మరికొన్ని ఆలస్యంగా నడుస్తున్నాయి. ఉదయం 7 గంటలకు బెంగళూరు, ఢిల్లీల నుంచి పలు వచ్చిన విమానాలను హైదరాబాద్‌కు మళ్లించారు. ఉదయం 7.45కు ఢిల్లీ నుంచి రావాల్సిన ఎయిర్‌ఇండియా, హైదరాబాద్ నుంచి 8 గంటలకు చేరాల్సిన స్పైస్ జెట్‌లు ఆలస్యంగా రానున్నాయి.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
