నిరుద్యోగిపై కానిస్టేబుల్ ప్రతాపం

తెలంగాణ పబ్లిక్ సర్వీస్ కమీషన్ ఆధ్యర్యంలో ఇటీవల నిర్వహించిన గురుకుల సంస్థల టీచర్ల రిక్రూట్ మెంట్ పరీక్షా కేంద్రంలో ఓ కానిస్టేబుల్ తన ప్రతాపాన్ని చూపించాడు. హైదరాబాద్ లోని దుండిగల్ ఎరోనాటికల్ ఇంజనీరింగ్ కళాశాల పరీక్షా కేంద్రానికి ఓ అభ్యర్థి కాస్త ఆలస్యంగా వచ్చాడని సదరు కానిస్టేబుల్ అతన్ని మెడపట్టి గెంటేశాడు.

అక్కడి నుంచి వెళ్లిపోవాలని హెచ్చరిస్తూ తరిమివేశాడు. తనకు పరీక్ష రాసే అవకాశం ఇవ్వాలని అభ్యర్థి కానిస్టేబుల్ ను ప్రాధేయపడినా కనికరించలేదు. అభ్యర్థిపై కానిస్టేబుల్ ప్రతాపాన్ని ఎవరో వీడియో తీశారు. ఆ వీడియో సోషల్ మీడియాలో వైరల్ గా మారింది. ఇప్పటికే దాదాపు 6 లక్షల మంది ఆ వీడియోను వీక్షించారు. కానిస్టేబుల్ చర్యను ఖండించారు.