వైఎస్ జగన్‌కు చంద్రబాబు శుభాకాంక్షలు!

ఏపీ ప్రతిపక్ష నేత, వైఎస్సార్ కాంగ్రెస్ పార్టీ అధినేత వైఎస్ జగన్ మోహన్ రెడ్డికి పుట్టిన రోజు శుభాకాంక్షలు తెలిపారు రాష్ట్ర ముఖ్యమంత్రి నారా చంద్రబాబు నాయుడు. నేడు జగన్ పుట్టిన రోజు నేపథ్యంలో చంద్రబాబు నాయుడు అధికారిక ట్విటర్ అకౌంట్ నుంచి జగన్ కు శుభాకాంక్షలు తెలిపారు. ‘పుట్టిన రోజు శభాకాంక్షలు.. దేవుడు మీకు సంతోషకరమైన, ఆరోగ్యవంతమైన జీవితాన్ని ఇవ్వాలని ఆకాంక్షిస్తున్నాను..’ అని అర్థం వచ్చేలా ఇంగ్లిష్ లో ట్వీట్ చేశారు చంద్రబాబు.

రాజకీయంగా తీవ్రమైన విమర్శలు చేసుకొంటూ.. ఉప్పు,నిప్పుల్లా సాగుతున్న వీరి మధ్య ఇలాంటి వాతావరణం అగుపించడం ఆసక్తిదాయకమైన అంశం అని వేరే చెప్పనక్కర్లేదు.

దీనికి ప్రతిగా వైఎస్ జగన్ కూడా అధికారికంగా ట్విటర్ అకౌంట్లో స్పందించారు. ‘ప్లజంట్ సర్‌ప్రైజ్ అండీ.. థ్యాంక్యూ..’ అని అంటూ చంద్రబాబు ట్వీట్ ను రీ ట్వీట్ చేశారు జగన్ మోహన్ రెడ్డి.

ముఖ్యమంత్రి, ప్రతిపక్ష నేత ఇలా ట్విటర్ వేదికగా సంభాషించుకోవడం పట్ల చాలా మంది ఆశ్చర్యపోతున్నారు! Wishing you a happy birthday @YSJagan. May God bless you with a happy and healthy life. — N Chandrababu Naidu (@ncbn) December 21, 2017 Pleasant surprise andi. Thank you. https://t.co/OA1Rxylcff — YS Jagan Mohan Reddy (@ysjagan) December 21, 2017