తెలంగాణ భవన్ వద్ద పండగ వాతావరణం

తెలంగాణ అసెంబ్లీ ఎన్నికల ఫలితాల్లో తెలంగాణ రాష్ట్ర సమితి దూసుకుపోతోంది. 80కి పైగా స్థానాల్లో ఆధిక్యంలో కొనసాగుతూ తిరిగి ప్రభుత్వాన్ని ఏర్పాటు చేసేందుకు రంగం సిద్ధం చేసుకుంటోంది. ఎగ్జిట్ పోల్స్‌ను మించి సంపూర్ణ ఆధిక్యంలో కారు టాప్‌గేర్‌లో దూసుకుపోతోంది. దీంతో తెరాస కార్యకర్తల్లో ఆనంద డోలికల్లో తేలియాడుతున్నాయి.

తెరాస ప్రధాన కార్యాలయమైన తెలంగాణ భవన్లో సంబరాలు అంబరాన్నంటాయి. తెరాస నేతలు, కార్యకర్తలు పెద్దయెత్తున అక్కడికి చేరుకుంటున్నారు. ఒకరికొకరు శుభాకాంక్షలు తెలుపుకుంటూ రంగులు జల్లుకుంటున్నారు. మిఠాయిలు తినిపించుకుంటున్నారు. తమకు గెలుపు ఖాయమని ముందు నుంచీ చెబుతున్న గులాబీ పార్టీ.. తాజా ఫలితాలతో సంబరాల్లో మునిగిపోయింది.